Confident

CEBU, Philippines - Masaligon si Daniel Padilla nga dili mapul-an ang mga tawo sa tandem nila ni Kathryn Bernardo ilabi na nga sila na pud ang magpares sa upcoming series sa ABS-CBN nga “Got to Believe”. Giingong nagkakusog og maayo ang tandem sa duha.

Wala’y malisya

Ang manager ni Jake Vargas nga si German Moreno mitin-aw sa hulagway nga nikatap kung diin nakita nga naay kauban nga babaye ang iyang alaga samtang nag-topless kini. Suma pa ni German nga walay dautan ang maong hulagway ug kuha kini sa dihang nibakasyon si Jake uban sa iyang barkada.

Erwan nakasabot ra

Gibutyag ni Erwan Heusaff nga artista na daan ang iyang uyab nga si Anne Curtis sa dihang nagkaila sila niini busa dili siya maapektohan sa mga sexy scenes sa aktres sa movie ug TV projects niini.

Patti nahugyaw

ni Radha

Nisuporta ang American Grammy award-winning singer nga si Patti Austin ngadto sa “The Voice of the Philippines” contender ug kanhi  sakop sa Kulay nga si Radha Tinsay. Gibutyag ni Patti pinaagi sa iyang Twitter account nga nahugyaw siya sa performance ni Radha sa “The Voice of the Philippines”.

Tungod sa kapildihan?

Gibutyag ni Daiana Menezes nga naapektohan pag-ayo ang bana niya nga si outgoing Cagayan de Oro Representative Benjamin “Benjo” Benaldo sa kapildihan niini niadtong piniliay. Hinoun wala pa’y nihatag nga statement ang pamilya sa kongresista kung usa ba kini sa rason kung nganong misuway kini og hikog. (Sanden J. Anadia)

Vilma vs. Bong?

Naa na karon sa ikatulo o katapusang termino si  Vilma Santos sa iyang posisyon isip gobernadora sa Batangas.Apan dili ganahan si Vilma nga maghisgot sa plano niya sa politika sa sunod nga eleksyon  partikular na  ang report nga matud pa nga modagan siya pagka-bise prisidente karong 2016 busa posibleng mag-atbang sila sa iyang higala nga si Sen. Bong Revilla.

German pasok sa Echoserang Frog

Nisugot na si  German “Kuya Germs” Moreno nga malakip sa  launching movie ni Shalala nga Echoserang Frog.  Maglisod og balibad si German gumikan kay alaga niya si Shalala. Gitataw niya nga nawala na ang iyang kahiubos sa TV host.

Commitment ceremony

Nagpakasal na si Chanda Romero sa iyang  uyab nga  foreigner dili pa lang dugay. Gitawag kini sa aktres og  commitment ceremony ug ilaha kining gihimo sa Tagaytay City.

Aicelle napungot ni JayR

Gikatahong napungot si Aicelle Santos ngadto sa RNB Prince nga si JayR gumikan kay kanunay kini makalimot sa lyrics sa mga production numbers nila sa Sunday All Stars. Kauban ang duha sa grupo nga gipangulohan ni Christian Bautista.

Alden napilian sa DOH

Usa si  Alden Richards sa mga artista nga gipili  nga ambassador sa Department of Health alang sa programang  “Pilipinas Go4Health”.  Gipadayag ni Alden nga supak siya sa panigarilyo  ug usa sa iyang rason mao ang kamatayon sa iyang inahan gumikan sa pneumonia. Kauban ni Alden sa maong  kampanya sa DOH mao sila si  Senator Pia Cayetano, Miss Universe 2011 3rd runner-up Shamcey Supsup, Daniel Matsunaga ug  Louise de los Reyes .

Back-to-back

Mosikad na  karong  July 1 sa gabii ang seryeng : Undercover ug  Misibis Bay sa TV 5. Dungan ang pilot episode niini aron parte kini sa ilang hugyaw nga line-up sa ilang mga programa sa buwan sa Hulyo.

Na-stranded

Pipila ka mga artista ang wala dayon kalarga gikan sa Tacloban paingon sa Manila kagahapon gumikan kay  kanselado ang pipila ka biyahe sa eroplano tungod sa bagyo.  Pipila niini mao sila si  Bianca Manalo, Cacai Bautista, Ruby Domingo ug ang  bandang Siakol .

Andi: Galema andam na

Gibutyag ni Andi Eigenmann  andam na ang tanan alang sa sunod niya nga serye sa ABS-CBN nga  “Galema”. amazing birthday present.”Unang gidala ang Galema ni  Snooky Serna pinaagi sa pelikula niadtong 1985 .