MANILA, Philippines - Ang mga minamahal at sikat na palabas ng Hari ng Komedya ay muling ibabalik ng Jeepney TV sa selebrasyon ng pang-85 na kaarawan ni Dolphy at bilang alaala sa kanyang walang kamatayang kontribusyon sa mundo ng Philippine comedy.
Isa sa mga pinakasikat na role ni Dolphy ay ang kanyang pagganap sa Home Along Da Riles na ipinalabas noong 1992 hanggang 2003, at ngaÂyon na sampung taon na ang nakalipas, panahon na para buhayin ulit ang mga alaala sa tahanan ng mga Kosme.
Ipapalabas ang ilang mga special episode, tulad ng pagpunta ni Kevin Kosme sa U.S. para makipag-kita sa kanyang best friend na si Panchito, at mga clip show kung saan pinagsama-sama ang mga pinakapaboritong musical number ng serye. Ipapalabas din ang mga eksena ng kaÂarawan ni Kevin sa may riles.
Panoorin ang mga special back-to-back episode nito sa lahat ng mga Miyerkules ng Hulyo ng 7:45 p.m. hanggang 9:45 p.m.
Ang mga paboritong movie blockbuster naman ng Hari ng Komedya tulad ng Dancing Master, Kung Ano’ng Puno, Siyang Bunga, The Best in the West, Good Morning, Professor, at Fung Ku ay kasali rin sa selebrasyong ito.
Abangan sila sa Reteatro mula Hulyo 22 hanggang Hulyo 26 ng 3:00 p.m.