Sexiest vegetarian sa nasud

CEBU, Philippines - Kaniadto pa confident na gyud si Amanda Griffin Jacob nga ibandera ang iyang lawas gumikan sa iyang displina sa lawas. Ug karon nagbunga ang iyang pagka-vegetarian sanglit siya maoy napili nga  PETA Sexiest Vegetarian 2013, human sa usa ka buwan nga online voting nga gipasiugdahan sa  People for the Ethical Treatment of Animals (PETA).

“Amanda knows that going vegetarian is the best thing that you can do for animals, the Earth, and your health,” nagkanayon si PETA Asia Vice President Jason Baker pinaagi sa usa ka pamahayag nga giluwatan niadtong June 19. “Plus, she’s living proof that being vegetarian keeps you slim and sexy.” Sugilon usab ni Amanda lahi ra gayud matud pa ang iyang pamati sa iyang lawas karon nga vegetarian na siya. “When I was eating meat, I had a lot of digestive issues. Now that I’m vegetarian, I feel wonderful both mentally and physically. Most importantly, I know I’m giving my children the best possible start in life,” niya pa. “Your mind and body will thank you for it,” she added asking people that if they want to become a vegetarian, just do it.

Nangayog pasaylo ang designer

Mitingog pinaagi sa Facebook ang designer nga si Paul Herrera diin iyang giklaro nga “replica” lamang ang gown nga gisul-ob ni Maja Salvador sa finale sa Ina, Kapatid, Anak niadtong milabay nga  Biyernes ug dili matud pa kini ang mismong gown nga gipa-design ni Diana Zialcita.

Nagkauyon na pud matud pa sila ni Diana nga kalimtan na ang maong isyu dungan sa pagpangayo og pasaylo ngadto sa nahisgutan. Apan nabantayan nga kaduha nag-post sa iyang Facebook account si Paul kabahin sa isyu, diin may mga pulong nga nawala ug may nadugang.

Kahinumduman nga si Diana ang gikatahong tag-iya sa gown nga gigamit ni Maja sa nahisgutang teleserye. Nakugang siya pagkakita niini sa telebisyon sanglit ang designer nga si Paul, nanghuwam niini ug miingon nga gamiton para sa usa ka fashion show, wala maghisgot og teleserye.

Unsay nahitabo sa

nawong ni Claudine?

Na-intriga ang mga followers ni Claudine Barreto sa Instagram gumikan niining maong hulagway nga iyang gi-upload gahapon diin tataw nga hubag iyang nawong ug may bun-og. Misamot ang intriga sanglit gi-delete dayon ni Claudine kining maong hulagway.