Father’s Day!
Hay naku naku naku mga kahugyawnatics!
Happy Father’s Day sa tanang mga Dada, Daddy, Tatay, ug mga Papa out there. Gimingaw nako og chika sa atong mga kahugyawnatics busa naa gyud karon ang inyong kabonding sa usa ka sipa nga tsismis. Hahaha. Sipa pas tanang sipa.
Adunay mubalik sa inyong paboritong Sunday Magazine show nga MAGTV NA karong adlawa – ang atong Kamags Blinky nga nibiya sa maong programa sud sa usa ka tuig. Sa iyang pagbiya usa ka tuig na ang milabay, ang lenggua ni Blinky kay “I will be back. And she is definitely back! O di ba bongga? Sa kadaghang hosts nga nibiya sa maong programa sama nilang Charlene Go, Inday Tikay, Genesis Nacua, Erwin Lim, Dan Harry Genson, Mc Billy Sy, si Kamags Blinky lang ang nibalik. “Katong naa ko sa Macau, lahi gyud akong trabaho didto. Lingaw pud. Dako pud ang kita pero lahi ra gyud ang kinabuhi sa hosting. Unya booming na baya kaayo ang Cebu. Kada semana, lain laing events ang mahitabo. So taas ang need sa hosting pud. Malingaw kaayo ko og hosting aside sa akong naandan pud nga mga fashion show†say pa ni Blinky.
Saksi ang Banat Hugyaw sa pagsugod sa iyang hosting career, sa mga controversy nga iyang giagian ug sa iyang pagbiya sa maong programa. Sa iyang pagbalik, kuyugan ni Kamags Blinky ang laing mga kamags na sila Kamags Borgie, Kamags Jonathan ug Kamags Phoebe alang sa usa ka espesyal nga Father’s Day celebration. “Gimingaw gyud kog hosting. Lahi ang fulfillment nga akong makuha sa hosting oy. Sa akong comeback segment, naa mi gi treat nga usa ka kugihan nga amahan nga adunay 11 ka mga anak. Makita nimo kung unsa siya ka kugihan para mahatagan og nindot nga ugma ang iyang mga anak. Ug para ma-relax siya karong Fathers Day, amo siyang gihatagan og massage treat ug paniudto kauban ang iyang pamilya. Nindot kaayo ang feeling ba nga sa simpleng treat, di masukod ang kalipay nga nahatag sa MAGTV sa maong pamilya. Gimingaw nuon kog samot sa akong Papa nga naa karon sa Germany,†lenggua ni Blinky.
Sa upat ka tuig ni Blinky isip host sa MAGTV Na, daghan na siyag lugar nga naadtuan, mga tawo ug TV personalities nga nahinabi, mga adventures nga gisuong, unsa pa kaha ang iyang ganahang idalit sa mga Sugbuanon? “Daghan pa. Ganahan ko daghan pamig tawo nga matabangan. Mao baya gyud na tumong sa MAGTV Na. Gawas nga muhatod mi’g kalingawan ug mga maayong balita sa mga tigtan-aw, ganahan mi maka inspire sa mga taw ilabi na gyud sa among mga suking televiewers. “Sa MAGTV Na, mura mi’g pamilya. I am so glad I am back,†say pa ni Blinky.
Makita ang MAGTV Na , matag Domingo, matag 9a.m., sa dili pa ang Matanglawin.