CEBU, Philippines - Mga yadzz karong hapon, mo-graduate na ang bag-ong batch sa Oasis Of Love, Walk With Jesus 3-day-Stay In Seminar. Wa gyod ko’y nakuhang participants. Ambot sila’s Roger Serna ug Ryan Mark nakabitbit ba’g participants. Nangutana man to sila’g kanus-a ang seminar. Ambot nahinayon ba ang ilang participants. Tan-awon unya nako.
Pero sa dili pa ta magpadayon sa unahan, hisgotan nako ang tanang mga Jessica, nga nakaukay sa katawhan. Ang una, si Jessica Sanchez. Proud kaayo ta nila, kay naila siyang international singer. Then, si Jessica Connely, ang finalist sa Pinoy Big Brother, pero, the only finalist nga, mi-resign. Kay matod niya, wan a gyod kono siya’y ikapakita. Kay napakita na niya ang tanan, ug napamatud-an na niya sa mga televiewers, nga duna siya katungod sa natad sa showbiz. Unya, napamatud-an na niya sa TV series, Paraiso. Anak siya sa mga higala natong sila si sir Lawrence ug Mam Gigi Connely sa Hollywood Nails sa Ayala ug sa The Walk sa IT Park. Naka-amot siya sa among pyesta. TY, Jerssica.
Then, ari tang Jessica Soho. Kay Jessica Soho lagi siya, matod pa nila, duna siya’y katungod nga tamdon, respetahan. Pero kon dili pa siya Jessica Soho, okay lang kon himuon siyang unod sa komedya? Kon ako, puede ra kaayong bugalbugalan pinaagi sa komedya? OKAY RA, para nako. Dili problema. Pastilan, nganong dak-on man? Sila diha sa Showtime [as I had been saying. Nagpakita gyod sa ilang friendship. Nga bisa’g personal na kaayo ang ilang komedya, wa lang. Kay si Jessica Soho lagi kono, dili taga ABS? Ana diay na? Dili diay mahimo, nga kauban sa industriya, okay ra ang komedya? Kay dili lagi kono kono ti-aw ang Rape. Ako kapila na man ko, ma-rape. Kapila na man ko komedyahing na-rape, gitabanga’g pila ka hapon, wa man ko masuko. Kay Kriss Relatado ra ko?