CEBU, Philippines - Nalandig sa usa ka tambalanan sa Los Angeles ang babaye nga anak ni anhing Michael Jackson nga si Paris human matud pa nisuway kini og hikog. Suma pa sa kanhi kapikas ni MJ nga si Debbie Rowe, nga daghan kaayo og giagian nga problema si Paris sa miaging mga adlaw hinungdan nga naglaslas kini sa iyang pulso.
Gawas niini, giingong na-overdose usab si Paris sa 20 Ibuprofen pills hinungdan sa pagkaluya sa lawas niini.
Samtang ang apohan ni Paris nga si Katherine nisaysay nga okay na karon ang kondisyon sa iyang apo ug nanawagan kini nga hatagan og igong privacy ang ilang pamilya.
"Being a sensitive 15 year old is difficult no matter who you are. It is especially difficult when you lose the person closest to you. Paris is physically fine and is getting appropriate medical attention. Please respect her privacy and the family's privacy,†matud pa niini. Nasayran nga karong June 25 mao ang ika-upat ka tuig nga anibersaryo sa pagkamatay ni Michael.
Nag-tweet usab si Paris og linya sa hit song nga The Beatles nga "Yesterday." "Yesterday, all my troubles seemed so far away now it looks as though they're here to stay," suma pa ni Paris.
Apan dunay mga nanggawas nga mga istorya nga matud pa nga nisuway og hikog si Paris gumikan kay wala kini makalantaw sa concert sa rocker nga si Brian Hugh Warner o nailhan sa stage name nga Marilyn Manson.
Career ni Julie Lee nabanhaw
Daghan ang nahugyaw sa pag-abot ni Julie Lee sa presscon conference sa bag-ong afternoon soap sa GMA nga Maghihintay Pa Rin sa miaging adlaw.
Nalantawan na si Julie niadto sa GMA-7 teen-oriented show nga Joyride ubos sa screen name nga Julian Lee.
Moabot ngadto sa pito ka tuig nga nabakante ang career ni Julie busa dako ang iyang pasalamat nga nalakip siya karon sa Maghihintay Pa Rin.
“Matagal din akong nawala at kapag nakikita ko, ito ang buhay na gusto ko.There’s something passionate about it, e.And I’m thankful, super thankful to GMA for giving me another chance to work with them again,†matud pa niya ngadto sa PEP.
Janella nataypan ni Renz
Giangkon sa Kapuso teen star nga si Renz Valerio nga na-crush siya sa Star Magic talent nga si Janella Salvador. Nasayran nga nadiskubrehan niya si Janella sa seryeng Be Careful With My Heart. Si Janella maoy nagdala isip Nikki nga anak ni Si Chief (Richard Yap) sa nahisgutan nga serye.
Vice gipasidan-an sa MTRCB
Ang Movie and Television Review and Classification Board (MTRCB) mipasidaan ngadto kang Vice Ganda nga mogamit na og mga wholesome nga komedya aron wala’y mga tawo nga masakitan. Mapasalamaton ang MTRCB ngadto kang Vice ug sa ABS-CBN sa kooperasyon nga gipakita niini atol sa ilang tigom niadtong Miyerkules.
“Luv U†gidugangan ang cast
Ang “Goin’ Bulilit†graduates nga sila si Nash Aguas, Alexa Ilacad, Kobi Vidanes, Sharlene San Pedro ug Mika dela Cruz maoy idugang sa cast sa Sunday afternoon teen comedy series nga “LUV U.†Malipayon si Nash gumikan kay komportable na siya sa taping sa maong programa sanglit suod naman niya daan ang iyang mga kauban sa maong show.
Ai-Ai sa MMK
Si Ai Ai delas Alas maoy bida sa episode ugma sa “Maalaala Mo Kaya†kung diin istorya kini sa paet nga kaagi sa usa ka pamilya. Kapila na higayon nga naka-guest si Ai-Ai sa maong programa.
Maja dili mo-surrender
Gitataw ni Maja Salvador nga bisan wala sila karon gatingog sa kanhi niya bestfriend nga si Kim Chiu, andam gihapon siya nga makauban niya kini sa laing proyekto sa higayon nga mahuman na ang seryeng Ina Kapatid Anak. Suma pa ni Maja nga wala gihapon siya mawad-i og paglaum nga magtingog ra sila puhon ni Kim.