Mga beterano nanghawod sa Bodies of Summer

CEBU, Philippines - Ang mga beteranong modelo nga sila si Charlemagne Lopez Umpad ug Krystal Lyssa Pelomiana maoy nanghawod ug nakadaug isip labing unang Best Bodies of Summer Cebu 2013. Gipildi sa duha ang laing 11 ka paresan ug naangkon nila ang ganti nga P10,000 cash ug mga produkto gikan sa sponsors. Kanhi finalist sa 2012 Mr. Manhunt Philippines si Umpad, samtang 2010 Cebu Runway’s Best first runner-up ug 2011 Ms. Bikini Philippines finalist si Pelomiana. Sa sayong bahin sa maong runway-fashion show contest, nakuha ni Umpad ang Mr. Scent-J Perfume special award, ug nasakmit usab ni Pelomiana ang kadungganan isip Ms. Glutamin ug Ms Mary Kay.

Napili nga first runners-up sila si Demos Panares ug Danielle Najarro. Si Panares, ang labing batang kandidato, maoy nakakuha sa labing dakong boto gikan sa iyang mga fans, ug si Najarro ang nakaangkon sa labing daghang special awards sama sa Ms. Face of Montebello Villa Hotel, Ms. Slimmers World, Ms. New Placenta, Ms. Scent-J Perfume, ug Aparis’ Female Model Discovery.  Nabutang sa ikatulong pwesto (2nd runners-up) sila si Carlos Ching ug Daisy Atienza. Mga special awards ni Ching mao ang Mr. Olive-C, Mr. Photogenic, Mr. Gizmo, ug Mr. Biogenic. Gawas sa labing dakong boto nga nakuha ni Atienza gikan sa iyang mga fans, napili usab siya nga Ms. Bambini, Ms. Hapuhap Spa, ug Ms. Salon de Rose.

Walay kakapoy ug kaluya sa pagrampa ang mga contestant sulod sa napulo ka mga hugna sa pasundayag sa mabulukon ug stylish nga mga summer wear nga gidisenyo nila ni Alwin Guardiana Ornopia, Kenneth Harrion, Danny Booc, Lemuel Rosos, Ryan Dumago, Brendon Val Cenon, Mel Maria Tumulak, Rey Humberto Villegas, Dexter Alazas, Elle Abellana, Aloha Begin, FIDA Cebu, ug FIP.

Mihatag sa dugang kahinam si Mr. Manhunt International 2012 June Macasaet nga milingkod isip usa sa mga hurado. Miduyog kaniya ang duha ka haligi sa international-business community nga sila si Psalmstre CEO Jim Acosta ug Rama Modern Technology Kingdom of Saudi Arabia general manager Ahmed Sayed. Lakip usab sa powerhouse board of judges ang inilang entertainment guru nga sila si Ryan Mark ug Orly Cajegas. Si reigning Mr. Cebu Borgie Cabigas ang host sa maong runway fashion show event.

Ania ang lista sa lain pang special awards:

Mr. Glutamin - Alfred Codilla

Mr. Designers’ Choice - Kenjie Espina

Ms. Designers’ Choice - Dayniel Moya

Aparis’ Male Model Discovery - Rashed Al-Sughayer

Ms. Olive-C - Danica Anne Puasa

Mr. Hapuhap Spa - Vince Ty

Mr. Salon de Rose - Clyde Gail Magalso

Ms. Photogenic -  Ladyluck Rodina

Ms. Gizmo -  Jingle Sotelo

Mr. Slimmers World - Renee Alessandro Lietz

Mr. Face of Montebello  - Kenjie Espina

Mr. New Placenta - Rashed Al-Sughayer

Mr. Perfect Smile - Wilfred Ouano

Ms. Perfect Smile - Marianne Hernandez

(BANAT NEWS)