MANILA, Philippines - Isang double music jam ang magaganap sa concert ng Callalily at 6Cyclemind sa June 7 sa Music Museum. Pinamagatang Switch, ito ang kauna-unahang back-to-back major concert ng dalawang alternative pop bands ng bansa.
Simula pa ng mid-2000s ay pinasasaya na ang gig scene ng Callalily na pinangungunahan ni Kean Cipriano (bokalista) kasama sina Tatsi Jamnague, Aaron Ricafrente, at Lemuel Belaro. Pinasikat nila ang mga kantang Magbalik, Pasan, Insane, at Sanctuary. Nung isang taon lang ang pinakahuÂling album ng Callalily, ang Flower Power, kahit aktibo na rin sa pag-aartista si Kean. Nangako kasi siyang hindi iiwan ang banda.
Ang 6Cyclemind ay naÂka-limang album na siÂmula nang tumugtog noong 2003. Naging boses nila si Ney Dimaculangan sa mga naging hit na Biglaan, Sige, Nalilitom Sandalan, Trip, Prinsesa, Upside Down, at marami pang iba. Taong 2012 nang opisyal na pumalit ang drummer na si Tutti Caringal bilang bokalista ng banda. Kasama pa rin sa grupo sina Ryan “Rye†Sarmiento, RoÂberto “Bob†CañaÂmo, Vic Aquino, at Herbert Hernandez.
Dahil iisa ng band management at matagal nang nagkakasama sa live gigs, lalong excited ang CallaÂlily at 6Cyclemind na magkasama sa isang malaÂking concert na sila lang ang magpapasaya sa auÂdience.
Walang problema sa kanila ang kolaborasyon dahil gumawa na si Kean ng isang redux na kanta, Kung Wala Na Nga, sa 6Cyclemind kasama sa vocals sina Yeng Constantino at Tutti.
At dahil Switch ang title asahan ang mangyayaring switch sa dalawang banda. Nangako rin silang may pasabog silang gagawin sa show na ikaÂgugulat ng mga manonood.
Hindi inaasahang pangyayari naganap sa deal...
Isang hindi inaasahang insiÂdente na ngaÂyon lang uli nagaÂnap sa kasaysayan ng KaÂpaÂmilya Deal or No Deal sa PiÂÂliÂpinas ang nangyari kamakailan. MaÂging ang studio audience ay napanganga at nagulat sa nangyaÂring ito.
Ano nga ba ang naganap sa set ng hit game show na Kapamilya Deal or No Deal kung saan nagÂlaro para sa P2 milyong jackpot ang celebrity plaÂyers at The Voice of the Philippines V reporters na sina Robi Domingo at Alex Gonzaga? Alamin ang kasagutan sa Kapamilya Deal or No Deal ngayong Sabado (June 1), pagkatapos ng TV Patrol Weekend sa ABS-CBN.