Parang si Rosanna Roces noon: Vice Ganda naging mapagmataas at mapanglait nang sumikat

SEEN: Ang report ng ABS-CBN news programs na tinanggap ni Jessica Soho ang apology ni Vice Ganda. Ina-acknowledge at hindi tinanggap ni Jessica ang apology ni Vice. Magkaiba ang ibig sabihin ng acknowledged at accepted.

SCENE: Hindi nila naramdaman ang sincerity ni Vice Ganda nang humingi ito ng paumanhin kay Jessica Soho ang nagkakaisang opinyon ng mga nanood ng It’s Showtime noong Miyerkules. 

SEEN: Inihahalintulad si Vice Ganda kay Rosanna Roces na naging mapagmataas at mapanglait noong panahon ng kasikatan niya.

SCENE: Sa June 12 ang playdate ng Man of Steel at Dance of the Steel Bars. Si Dingdong Dantes ang lead actor ng Dance of the Steel Bars pero panonoorin niya ang Man of Steel dahil si Superman ang kanyang favorite superhero.

SEEN: Hindi original ang concept ng sexy pictorial ni Jennylyn Mercado sa June 2013 issue ng FHM.

SCENE: Ang Tweet ni Florante kay Laura ang title ng unang indie movie ni Venus Raj.

SEEN: Nagpapasalamat si Gary Valenciano sa lahat ng mga nakiramay sa kanyang pamilya dahil sa pagpanaw ng tatay niya na si Vic Valenciano noong Martes. “Goodbye, dad. I love you so much and I’ll see you soon” ang message ni Gary para sa kanyang ama.

SCENE: Chef ng F1 Hotel sa The Fort si Martin Jickain, ang ex-husband ni Aiko Melendez.