June Macasaet motikang sa Sugbo

CEBU, Philippines - Gipaabot ang pagtikang ni 2012 Mr. Manhunt  International June Macasaet dinhi sa Sugbo  karong Domingo, May 26, aron sa paglingkod   isip judge sa Best Bodies of Summer Cebu 2013. Kauban niya sa maong tahas ang napiling Ms. Enchanted Kingdom, ang Sugboanong si Jessa Marie Carriaga, ang president-CEO sa Psalmstre Enterprises nga si Jim Acosta, ug Banat Hugyaw editor Ryan Mark.

Trese ka mga lalaki ug onse ka mga babaye ang magtigi alang sa prestihiyosong kadungganan isip labing unang Best Bodies of Summer. Kini gilakipan nilang  Randy Ybañez, Clyde Gail Magalso, Kenjie Espina, Carlos Ching, Wilfred Ouano, 2012 Mr. Manhunt Philippines finalist Charlemagne Umpad, Renee Alessandro Lietz, Demos PaÑares, George Bolen, Alfred Codilla, Rashed Al-Sughayer, ug Vince Ty sa mga lalaki. Samtang sa mga babaye lakip sa finalists sila si Danielle Najaro, Qweyn Arranchado, Jingle Sotelo, Daisy Atienza, 2011 Ms. Bikini Philippines finalist Krystall Lyssa Pelomiana, Marrianne Hernandez, Danica Nombrado, Ginafe Hisanan, Ladyluck Rodinas,  Anne Puasa, Summer Allanic, ug Dayniel Moya.

Walo ka hugna sa pagrampa sul-ob ang resort ug swim wear collections sa inilang mga designer nga nagbase dinhi sa Sugbo ug sa Dubai ang gipaabot nga mopaukay sa mga manan-away. Naglangkob sa featured designers mao sila si Aldwin Guardiana, Kenneth Harrion, Brendon Val Cenon, Rey Humberto Villegas, Dexter Alazas, Ryan Dumago, Fashion Institute of the Philippines, ug Fashion Institute of Design and Arts Cebu.  Ablihan ang maong pasundayag pinaagi sa usa ka synchronized-swimming dance gikan sa Creworks Dance Asia. Ang gipaabot nga bonggang runway-fashion-show contest ubos sa direksyon ni Lemuel Rosos, samtang si 2009 Mr. Cebu Borgie Cabigas maoy host.

Ang maong event gidalit sa Creworks Asia, inubanan sa Showbiz Sosyal ug Montebello Villa Hotel. Hugot kining gipaluyohan sa New Placenta, Olive-C, Scent-J Perfume, Slimmers World, Tour de Franz, Hon. Glenn Aparis, Rodskie Cuizon, Nature Spring Mineral Water, Quinces Spa, Salon de Rose, Rhyss Gabato, Mary Kay, Gizmo, Glutamin, Hapuhap Spa, GSM Blue, Biogenic, Bambini, Flora and Vincent Alvarez, Eyeronick Photography, Mark Yap, Chavezphotomakeup.com, Veata, Banat News Hugyaw, The Freeman, Cebu Bloggers’ Society, ug Moonwalk Cebu.