Petisyon ni Willie gibasura sa CA!

CEBU, Philippines - Giuyonan sa Court of Appeals (CA) ang pagsuspenso sa Movie and Television Review and Classification Board (MTRCB) og usa ka buwan sa ‘Willing Willie” kaniadto, may labot sa kontrobersyal nga pagsayaw sa sais anyos nga batang lalaki  sa nahisgutang show nga giisip nga “exploitation” sa kadaghanan ug dili haom.

Suma pa sa CA “insensitive,” ang pagdasig ni Willie sa bata niadtong tungora aron musayaw sama og macho dancer.  Base sa 11  ka pahina nga giluwatan sa CA pinaagi ni Associate Justice Manuel M. Barrios, haom ang gipahamtang nga suspension sa  MTRCB sa maong show gumikan sa “offensive and obscene segment.”

“What is clear is that respondent MTRCB validly and correctly performed its duty as enjoined by law in reviewing and assessing the subject content and thereafter, imposing the proper sanction when the content was found indecent, immoral or obscene,” the appeals court said.

Kahinumduman nga niadtong Lunes lang gipahibawo ni Willie nga dili na siya murenew sa iyang kontrata sa TV5 inig ka pupos niini karong October sanglit buot niya nga mupahuway una sanglit, walo ka tuig matud pa siya nga nagtrabaho isip host og daily show.

Hollywood stars motabang sa mga biktima sa buhawi

Gikatakda nga mag-uban sa entablado ang mga dagkong pangalan sa Hollywood alang sa usa ka  benefit concert nga ilang ipahinungod alang sa mga biktima sa buhawi sa  Oklahoma didto  sa Amerika.

Nasayran nga ubay-ubay na ka mga tawo ang nakabsan sa ilang kinabuhi gumikan sa maong trahedya.

Nag-una sa pag-organize sa maong concert ang giila concert prince ug princess sa musika nga sila si  Blake Shelton ug  Miranda Lambert  nga susama nga lumulupyo sa maong dapit.

"I'm hoping it will raise a lot of money. Obviously, it will be televised and will happen really quickly," nagkanayon si Blake.

Lakip sa mga performers sa nahisgutang concert mao ang mga kauban nga hurado ni Blake  sa  singing competition nga "The Voice" nga sila si Cee Lo Green, Christina Aguilera, Adam Levine, Shakira, ug Usher.

Samtang nanawagan usab nga magtinabangay karong panahona  ang Season 1 American Idol winner nga si Kelly Clarkson ug award winning singer nga si Sheryl Crow. Nihatag usab og  $1 million ang Oklahoma City Thunder all-star forward nga si Kevin Durant.

Gikagubtan ang pinaakay!

Trending karong panahona ang Instagram picture ni Marian Rivera  agi’g pagpahalipay sa iyang hinigugma nga si Dingdong Dantes pagdaog niini isip Best Actor sa 44th Guillermo Mendoza Awards adtong Domingo.

Kun basehanan ang hulagway, daw sa gawas sa nasud ang maong hulagway gikuha.

Ang caption ni Marian niini: “Congratulations to my Love, my bestfriend, my loveteam, my sergio, my fredo, my homer, my migs, my johnny, my rafael iñigo and my arlan/benjie, yay dami na pala hahah…For winning the 2013 Guillermo Award for Best Actor im so proud of you @dongdantes fist bump!”