Megan magpa-sexy sa “Misibis Bay”

CEBU, Philippines - Human sa iyang sexy magazine covers, hingpit nga magpa-sexy si Megan Young sa telebisyon pinaagi sa suspense-revenge teleserye sa TV5 nga “Misibis Bay.”

Una na siya nga mihimo og medyo daring nga project kaniadto sa ABS-CBN pinaagi sa Precious Heart Romances Present ‘Hiyas” kauban si Zanjoe Marudo. Ang alegre matud pa ni Megan mao nga kaniadto sa iyang mga TV projects padad-on siya og 10 sets of casual wear, karon padad-on na matud pa siya og 10 sets of swimsuit, nga puros two-piece.

Matud pa ni Megan wala siya’y problema niining maong sexy project sanglit 23-anyos na matud pa siya. Ang nakanindot pa niini, niya pa mao nga ang production people nga iyang makauban, iya na nga mga nakatrabaho kaniadtong didto pa siya sa GMA-7. Busa, nagpaabot na matud pa siya nga malingaw ug halandumon kining maong proyekto niya.

Makauban ni Megan niining maong proyekto sila si Ritz Azul, Luke Jickain, ug Vin Abrenica, diin naa pud si Christopher de Leon.

Nalipay si Megan nga bisan og gipahuwaman lamang siya sa ABS-CBN ngadto sa TV5, gihatagan siya og follow-up project sa maong network human sa iyang guest appearance sa ‘Never Say Goodbye.”

Ang Misibis Bay adto sa nahisgutang resort sa Bicol mismo himuon.

Sarah  nataypan og politiko?

Gihimakak ni Camarines Sur Governor-elect Luis Miguel  "Migz"  Villafuerte ang report nga matud pa iyahang gipangulitawhan si  Sarah Geronimo.

“Hindi po nililigawan. Gusto ko muna siya makilala, maging kaibigan, and we’ll see from there,” matud pa ni Villafuerte sa interview niini sa dzMM.

Giangkon hinuon sa 24 anyos nga politiko nga kasuway siya nga iyahang gipadalhan og buwak si Sarah niadto.

 â€œMedyo na-link po tayo kay Sarah the past few years dahil ako po’y nagpadala ng bulaklak dahil gusto ko siya maging kaibigan,” dugang pa  niya.

Bipolar disorder treatment ni Catherine nahuman na

Nahuman na ang Oscar winning actress nga si Catherine Zeta-Jones sa tulo ka semana niya pagpaubos sa bipolar disorder treatment.

Suma pa sa bana ni Catherine nga si  Michael Douglas nga naghinam-hinam na siya nga makakita sa iyang kapikas sa kinabuhi.

"She comes home tomorrow. She's doing a really good job of getting balanced. I'm proud of her," nagkanayon si Michael. Mao na kini ang ikaduhang treatment ni Catherine kinsa nailhan niadto nga molabad ang kinaiya.

Kahinumduman nga niadtong 2011, gipaubos usab sa bipolar treatment ang nahisgutang aktres.

Valerie mibalik sa GMA

Balik Kapuso si Valerie Concepcion diin ang remake sa "Annakarenina" ang iyang comeback project. Kontrabida si Valerie niining maong serye nga maoy ihulip sa Indio nga matapos na karong May 27.

Kahinumduman nga sa GMA-7 gyud nagsugod si Valerie, diin niadtong napaangkan siya sa pangidaron nga 17-anyos, subli siyang gihangop sa Kapuso Network.

Wala magdugay mitabok siya sa ABS-CBN isip co-host sa "Wowowee" ni Willie Revillame pipila ka tuig na ang milabay.

Birthday concert ni DJ Kimyat nagmalampuson

Nagmalampuson sa miaging semana  ang  selebrasyon sa kadaugan sa MOR 97.1 isip numero unong FM radio station sa Sugbo.

Ang selebrasyon gipahigayon sa Kuerks  Resto Bar sa Pelaez St. Cebu City  ug giatol kini  sa birthday ni  DJ Kimyat niadtong Mayo 16.

Usa ka birthday concert ni DJ Kimyat ug disco party ang gidalit sa MOR ngadto sa ilang mga suking tigpaminaw.

Bisan pa man og nag uwan sa katapusang bahin sa maong kalihukan, wa kini ka pugong sa pagdagsa sa mga tawo nga nakigsaulog sa kadaugan sa MOR. Ang pagka -number one sa MOR sulod sa duha ka survey period maoy usa sa labing dakong kadaugan sa ilang istasyon ilabi na nga nagbaha na karon ang mga nagkadaiyang FM stations sa Sugbo.