Giabog kay bisdak!

Domingo na! BisChika na mga Sweet Kabutanding. Kumusta ang inyong pagbotar sa bag-o lang nahuman nga Eleksiyon 2013? Naghinaut ang inyong Sweet Kabutanding nga inyong gigamit ang inyong katungod sa pagbotar. Ako? Exercise and vote in one akong drama. Nigikan ko sa akong boarding house 5:30am nag “ walk like a butanding,” nagkita mi ni Tita Girlie sa  eskina Banawa para derecho na sa Brgy. Guadalupe nga nag “walk like a butanding.” Sayo pa lang sa kabuntagon, nanggawas na akong mantika (singot) hahahaha!Ug didto mi sa akong alma mater sa Ramon Duterte National High School kay naa didto among pangalan nakalista. Pag 7:18 sa buntag nagsugod na dayon ang Eleksiyon 2013 sa among precinct, nga duha ka oras gyud naghuwat among beauty ni Tita Girlie. Pagkahuman og botar namahaw sa karenderia nilang Victor Reynes unya nag “walk like a butanding “  na pud mi padung sa Englis V Rama. Usa sa mga na obserbahan nako basta dunay piniliay, murag reunion man siya oi! Dinhi makit-an nimo imong mga kanhi mga higala, maestra,maestro, kanhi silingan ug labaw sa tanan imong mga classmates sa high school. Di ka mahutdan og BisChika para nila. MakaHugyaw nga eksena kay akong classmate tungod sa kataas sa linya, init, nagsagol nga baho, gutom ug kalit nga pagbundak sa uwan, nagkita sila sa kanhi niyang silingan ug unsa man pagkahitaboa nagbugno sila! Hahahaha! Bugno sa Eleksiyon 2013 wala palupig akong classmate sa iyang kanhi silingan nga nagpadungog dungog... Unsay gipadungog-dungog? Butanding daw siya og lawas? hahahaha! Mao nga sa akong classmate nga tagu-on nato sa alyas nga beh bote nga col ka lang! Nalingaw gyud ko sa imong BisChika nako...mas hugyaw kung na Balitang Bisdak ka o na Una sa Balita sa BuenaMano Balita.

Sa mga mananaug karung Eleksiyon 2013 all over the Philippines congratulations!

Kinsa siya local

Kinsa kining sikat nga choreographer dinhi sa Sugbo nga giabog sa ilang gilingkuran? Ang BisChika mao kini. Diha ang sikat nga choreographer kauban ang mga assistant sa usa ka resort sa Lapulapu para himamaton ang iyang kliyente. Nilingkod sila sa may beach front dapit kay naa may mga lingkuranan. Hugyaw na ang sunod nga mga eksena. Giduol sila og staff sa maong resort ug giingnan nga dili sila palingkuron kay ang  mga lingkuranan para lang sa ilang foreign guests. Sagpa ang dating para sa usa ka sikat nga choreographer. Ug dili lang na, dunay diskriminasyon nga nahitabo. Tungod ba nga mga Bisdak lang sila? Ug sigon pa sa atong BisChika insider ni lenggua si sikat nga choreographer nga never na siya magmugna og event sa maong resort. Ug ni “walk like a butanding” na lang sila. Kinsa si sikat nga choreographer? Kung kinsa ang unang pangalan nisulod sa inyong hunahuna. Siya na! Ang resort? Dili ko maka imagine ing-ana ang ilang kalidad. Pang - world class baya unta.

Para connected ta permi ug updated ka always follow me sa facebook, instagram, twitter : [email protected]