Shades

Hello! Hapit na gyud mahuman ang summer, nanghinaot ko nga natagbaw mo diha og laag ug enjoy sa ka init sa adlaw. Bisan og usahay mo uwan na, naa gihapon kay pila ka semana para moapas og lingawlingaw ilawom sa kainit sa panahon. Karong adlawa, akong paambitan kaninyo ang tips sa pagpili og saktong shades o sunglasses sa inyong mga nawong. Dili tanan nawong angayan sa tanang style. Dapat masabtan nimo og tarong kung unsa gyud ang  porma sa inyong mga nawong.

 1. Heart-shaped – Mao kini ang mga lapad og agtang ug aping, ug gip-ot og suwang. Ang mga bagay ninyo kay mga cat’s eye o lingin nga sunglasses.

 2. Oblong face – Mao ning mga nawong nga taas og porma, gip-ot og aping og suwang. Ang mga bagay ninyo kay mga dagko o oversized nga sunglasses or wrap styles.

 3. Oval shaped – Ang oval shaped mao ang gitawag nga perfect shape kay balance ang agtang sa suwang, papangig ug aping. Bisan unsa nga klaseng sunglasses ang mobagay ninyo. Swerte kaayo ka kung imong nawong kay oval-shaped kay di na ka magproblema.

 4. Square-shaped – Ikaw kay squared-shaped kung ang imong agtang lapad, unya square og papangig. Dapat imong sunglasses lingin, o di ba kaha oval o cat’s eye. Dapat medyo linginon ang tumoy ani para di molutaw imong pagka square faced.

 5. Round – Kung medyo apingon ka, unya gip-ot imong agtang ug papangig, ikaw kay round faced. Dapat nimo kay mga lapad ug rectangular nga mga sunglasses para mawala ang pagka lingin sa imong nawong.