Mark Anthony walang kainte-interes sa pulitika

Pinansin namin ang mga puting buhok ni Mark Anthony Fernandez sa may sideburn niya, akala namin una pinaputi lang ang buhok niya para sa role niya sa Bukod Kang Pinagpala. Pero totoong buhok pala ‘yun ng aktor at 17 years old pa lang daw siya ay may white hair na pala siya at dumami pa ngayong 33 years old na siya.

  Namana raw niya ’yun sa amang si Rudy Fer­nandez na kahit bata pa ay may mga puting buhok na. Tinanong namin si Mark kung wala siyang balak ipa­tina ang mga puting buhok para matakpan at baka makasira sa kanyang image.

 â€œWala akong planong magpatina. Tuwang-tuwa nga akong may puting buhok na ako para isipin nilang matanda na ako talaga. Sinasabi ko sa mga nag­tatanong na 49 o 50 years old na ako pero ayaw nilang maniwala. Bagay naman sa akin ang may puting buhok at sa side pa lang naman,” rason ni Mark.

Anyway, matatapos na ang Bukod Kang Pinagpala sa June 7. Wala pang bagong project si Mark dahil magpapapayat muna siya for one and a half month. Two soaps a year ang kontrata ng aktor sa GMA Network kaya kampante itong may kasunod pa siyang project sa natitira niyang tatlong taong kontrata.

Samantala, masaya si Mark na muling nanalong konsehal sa Paraῆaque City ang inang si Alma Mo­reno pero nalulungkot sa pagkatalo ng dating stepdad niyang si Joey Marquez na tumakbong congressman sa Paraῆaque rin.

 Pati ang pagkatalo ni Richard Gomez na tu­mak­bong mayor sa Ormoc City ay ikinalungkot ni Mark dahil mentor ang turing niya sa aktor. Dapat daw manalo ito at si Aga Muhlach dahil mababait at tala­gang tutulong sa tao.

Si Mark ay walang planong pumasok sa pulitika, pang-showbiz daw talaga siya.

Nagsinungaling uli sa manager, ina raw ang kasama Edgar Allan huli sa Baguio na nilambitinan ng GF at nakikipaglaplapan

May nag-tweet na taga-Baguio na nakita si Ed­gar Allan Guzman doon at may kasamang babae. Natawa kami sa description nang nag-tweet na nakalambitin sa aktor ang kasamang babae at naglalaplapan pa raw. Tineks namin ang manager ni Edgar Allan na si Noel Ferrer para itanong kung alam ang nangyayari sa talent niya.

Nagulat si Noel dahil ang paalam ng aktor, ang ina ang kasama sa Baguio, treat daw niya para sa Mother’s Day. ’Yun pala hindi ang ina, kundi si Shaira Mae dela Cruz ng Artista Academy ng TV5 ang kasama. Naalala namin, itinanggi ni Edgar Allan na nililigawan niya ito pero nagkatuluyan pala silang dalawa.

Obvious na sila na dahil hindi siya sasama kay Edgar Allan sa Baguio at magpi-PDA kung friends lang sila. By now, natanong na siguro ni Noel si Edgar Allan sa tsikang ito na mula pa sa Baguio. Hindi siya makakapag-deny dahil nakunan sila ng pictures.

  Disappointed na naman si Noel sa panibagong pag­si­sinungaling ng kanyang talent sa kanya. Ilang be­ses na ba itong ginawa sa kanya ng aktor? At feeling namin ang patuloy na pag­de­dedma sa payo ng ma­nager ang rason kung bakit hindi tuluy-tuloy ang career ni Edgar, laging nadidiskaril.

Ang gaganda ng projects na ibinibigay sa kanya ni Noel pero hanggang nga­yon ay parang newbie pa rin siya. Sa bagong pangyaya­ring ito, naniniwala si Noel na hindi na lang babae ang sumisira sa alaga.

“It’s his lack of character and discipline,” patungkol ni Noel kay Edgar.

Curious kami kung ano ang isasagot ni Edgar kay Noel ’pag tinanong sa Baguio trip nila ni Shaira Mae. Siya ’yung taga-Artista Academy na nakita sa Trinoma, Quezon City dati na kung manigarilyo ay wagas at sa harap ng tao.

Party P tsinugi dahil kay Julie Anne

Pinoste ni Direk Rico Gutierrez ang stage ng Party Pilipinas sa final episode nito sa Sunday, May 19. Maganda ang stage na idea tiyak ni Direk Rico na siya ring direktor sa Sunday.

Mawawala ang Party Pilipinas na hindi pa rin nasasagot ang tanong kung totoong nagkaroon ng conflict ang mga bata at datihang performers? Tila ine­reklamo raw ng mga datihang performer kung bakit laging maraming production numbers si Julie Anne San Jose, mapa-team ni Direk Rico at Direk Mark Reyes, samantalang sila’y hanggang isa o dalawa lang?

Wala nang magrereklamo ngayon dahil mawawala na ang Party Pilipinas. Abangan natin ang papalit na show kung sino sa taga-Party Pilipinas ang isasama. Tinanong namin si Direk Rico kung siya ang direktor ng new show pero “hindi” ang sagot niya.