CEBU, Philippines - Usa ka maanyag nga bangaw ang mipatim- aw sa kabukiran sa Carmen samtang ang pumpboat nga akong gisakyan didto pa sa kadagatan sa Camotes pasado alas siete sa buntag.
Pagka anindot tan-awon sa maong bangaw nga damtan og pila ka minuto inanay nga misamot katin-aw nga mipa uraray diha sa mga panganod.Wala pa mipatim-aw ang haring adlaw hinungdan nga mas dayag ang kaanyag sa maong bangaw--migara,daw mipahiyom ug nagdapit sa mga nakakita aron ang kaanyag niya hulagwayan.Pakpak!
Ug kalit ko lamang nahinumdumon nga kagahapon, Mayo 15, mao ang ikapito ko na ka tuig sa kahanginan isip okRYAN.Nahimugso sa dyLA niadtong Mayo 15, 2006, sa labing tinamod ug tinahud nga radio station sa Sugbo ko natubuan og mga pako, mga pako nga sulod sa upat ka tuig akong gibaid aron mutaas pa ang akong paglupad diha sa natad sa panibya pag-abot sa tukmang panahon. Sa maong estasyonan ko namatud-an nga makamao gayud diay ako mudumala og programa.Lab-as pa sa akong panumduman ang unang adlaw nako isip radio host, labihan nakong kuyawa--namugnaw ko ug daw uga akong tutunlan bisag nagsigi ko og inom og tubig adtong tungura. Dili lalim ang mag-host og programa ilabi kun sa radyo sanglit tingog ra gayud nimo ang naghigot kanimo ug sa imong tigpaminaw.Ang kataw-anan pa gayud kay dili kadto maoy unang higayun nga mutingog sa kahanginan sanglit ang labing una nakong trabaho pagtapos nako og Masscom mao man ang isip tigbalita.Usa ko katuig nga reporter sa dyDD Bantay Radyo adtong tuig 2000.Pero kay lagi managlahi man ang reporting ug hosting naglisud gyud ko sa sinugdanan sa okRYAN. Hinuon para sa mga nagbasa niining okRYAN karong adlawa ug nangandoy mamahimong magsisibya ugma damlag, angayan nga matarantar mo kun dili mo makuyawan sanglit dili kana maayo nga tilimad-on.For me, I always transform my nervousness into positive energy, positive thinking ang alkontra nimo nianang kulba sa dughan. So embrace lang your nervousness and use it to your advantage.Of course you have to be prepared before you go on air.Pakpak!
September 2010 ko mibiya sa dyLA nga labihan kabug-at sa dughan sanglit nindot man gayud ang akong relasyon sa management. And it was not all about money. Ang advantage man gud sa dyRC kay under man siya og network busa part sa offer kay ang mga entertainment reporters sa DZRH mureport nako kada adlaw so there is room for growth and learning. So I left with a very heavy heart.Pakkk!
Pag-abot nako sa estasyonan nga naila kaniadto isip tingog sa Sugbo labihan na pud nakong kuyawa kay bag-o man ko og timeslot. What if walay maminaw nako sanglit sa dyLA 3-4p.m. man ko Mondays to Fridays, sa dyRC 11a.m. to 12noon man ko Mondays to Saturdays? What if dili ko mu-click?Pagka daghang what if?Pero siguro sayup ko ug sakto ang management kay nagkadugay nagkataas man akong oras--- 10a.m. to 12 noon. Pakpak!
Seven colorful years on air nagpasabot nga sama sa bangaw inanay ko nga misaka o mipataas diha sa hagdanan sa panibya. It's an achievement. Pero I've said this before and I say this again:Should a fresher, better and brighter talent comes along to take my place, I'm always ready to step down.For I believe kanya-kanyang panahon yan.It's a cycle, talents come and go. Moreover, pagdawat nako sa offer sa dyLA I just wanted to prove to my self that I can do and two were all I asked,pero naa pay bonus hinuon nga five years.And up to this day,mao ra gihapon na akong prinsipyo to compete with my personal best only. Sa seven years napamatud-an na nako sa akong kaugalingon what I can and can't do as radio host!Pakpak!
Dili sayon ang paglungtad og pito ka tuig on air, hinungdan nga kanunay ko nga magpasalamat to God, my one and only talent manager. To Jun Veleganio of Balitang Bisdak ug kolumnista pud nato dinhi salamat kay siya may nagmugna anang ngalan nga okRYAN during one of those boring moments sa defense beat namo kaniadto, to Fred Languido nga maoy misugyot ngadto sa dyLA nga hatagan ko og program,to maam Marit Stinus Cabugon nga maoy station manager adtong pag-abot nako didto,who welcomed me warmly and would always tell me I'm a "star," to JunTagalog nga mao nay station manager pagbiya nako, he was very supportive, wa gyud koy bisan usa ka dautang pulong nga ikasulti niya,si Jhunnex Napallacan who would always come to the rescue mapabalita man or kun mag-emote ko kay saputon ko sa technician, to my brother from a different father Chito Aragon who was always there, to the admin staff Karen and Maam Lina who made me feel I really belonged, sa kinatibuk-an dyLA salamat kaayo. To boss Nino Padilla and Atty. Rhina Seco who are not only my bosses but friends as well for being very supportive, to Gene Valenzuela who acts as real immediate boss nga andam mupa lunch nako ug muhatag og plete every time I'm broke, to Ramil Paican nga dili hakog nga mupaambit sa iyang kasinatian sa panibya, to Richard Antone, among technician nga abtik kaayo mutimpla sa akong microphone kada adlaw,to Razel Cuizon, Rachelle Sarmiento and Aspo Agravante nga mga techie ug andam mutudlo nako kay slow kaayo ko, to Mommy Gilda nga mura gyud inahan namong tanan, to my sister from another mother Malou Tabar kansang mga bulawanong hunahuna nakatabang kaayo nakog dako, ni Dennis Tabar nga katagsa ra mutambag nako kabahin sa pagpanindot pa s programa pero puno sa punto kanunay,ni Atty. Divine whose professionalism is my inspiration nga dili gyud ko magpa late kada adlaw, to MJ Padilla nga maoy madali dali nako og pa-research,to my entire Radyo Calungsod family salamat kaayo. Hinaut nga mas daghan pang katuigan nga kita manag kauban.
Of course sa tanang okRYANians sa Visayas ug Mindanao nga wala gyud mubiya bisan mibalhin ko og estasyon ug kanunay nga naa mutudlo nako ug mutampo og mga pagtulun-an aron mas munindot pa ang programa,salamuch! Seven years na ta dear okRYANians,yeey pakpak!
I hope nga sama sa bangaw nga mipatim-aw kagahapon sa buntag, mas musamot pa kahayag ug katin-aw ang atong ugma sa pagligid sa mga adlaw.Pakpak!
* * *
Reaksyon? Ipadala kana kauban ang imong ngalan ug address ngadto sa:0939-1316599.Mag-okRYAN gihapon kita sa kahanginan pinaagi sa dyRC Radyo Calungsod648 khz.,Lunes ngadto sa Sabado, 10a.m. to 12noon. Pangitaa ko sa FB: Libertine_real88@yahoo.com. (BANAT NEWS)