CEBU, Philippines - Gipatangtang sa Hollywood star nga si Angelina Jolie ang duha niya ka boobs aron moubos ang tsansa nga makabaton og breast cancer.
Matud pa nga gisuginlan ang aktres sa iyang doktor nga dunay 87% nga makabaton og breast cancer busa mipaubos dayon siya og double mastectomy.
"I decided to be proactive and to minimize the risk as much as I could," nagkanayon ang aktres.
Matud pa nga gisugdan ang operasyon niadtong Pebrero ug nahuman kini niadtong Abril.
Sa gisuwat niya nga artikulo nga "My Medical Choice," gipadayag sa aktres nga namatay ang iyang inahan niadto gumikan sa breast cancer. Mapasalamaton si Angelina sa iyang partner nga si Brad Pitt sa suporta nga gihatag niini ngadto kaniya.
Gipaneguro usab sa mga doktor nga wala’y uwat sa nahitabong operasyon aron dili maguol ang ilang mga anak.
"I feel empowered that I made a strong choice that in no way diminishes my femininity. For any woman reading this, I hope it helps you to know you have options,†tsika pa ni Angelina.
Nagpahayahay sa Singapore
Nibakasyon sa Singapore sila si Gerald Anderson, Maja Salvador, ug Rayver Cruz niadtong Lunes samtang busy ang mga tawo sa piniliay. Wala’y taping ang tulo sa tagsa-tagsa nila ka mga programa sa telebisyon hinungdan nga nakasuroy gyud sila sa maong adlaw.
Haom nga talento
Usa sa gituohan nga rason sa pagtangtang sa Party Pilipinas mao nga dunay ubang artista ang gipa-perform nga wala mohaom sa ilang talento. Suma pa nga kadto lang mga singers ang angayan nga pakantahon aron dili maamong ang tibuok programa.
LJ wala nagpadala ni Paulo
Mitumaw ang taho nga matud pa nga todo hangyo si Paulo Avelino ngadto kang LJ Reyes nga magbalik silang duha. Apan tibuok na ang hukom ni LJ nga buwagan si Paulo ug wala pa gibutyag ang rason sa ilang break-up.
Himoon sa Singapore
Giasikaso na karon ni Kris Aquino ang pagpa-stem cell sa anak niya nga si Joshua ug nga buhaton sa Singapore. Busy na usab karon si Kris sa nagkadaiyang tigom alang sa umaabot nga pelikula sa lain niya nga anak nga si Bimby.
Mga Basang Sisiw
Wala pa gianunsyo sa GMA-7 kung kinsa ang mga bida sa seryeng Mga Basang Sisiw apan mao kini ang gidungog nga iatbang sa umaabot nga serye nila ni Daniel Padilla ug Kathryn Bernardo sa ABS-CBN nga Got To Believe.
Jen gidemalas
Misamot og hilak si Jennylyn Mercado gumikan kay human giwagtang ang programa niya nga HOT TV, isunod dayon ang Party Pilipinas. Masaligon hinuon ang aktres nga makadawat siya og follow-up project sa GMA-7.
Carla nakulbaan
Giangkon ni Carla Abellana nga nakulbaan siya sa upcoming series niya sa GMA-7 nga My Husband’s Lover gumikan dili basta-basta ang istorya niini. Ikauban niya sa maong serye sila si Tom Rodriguez ug Dennis Trillo.
P50K ang pako
Gigastohan pag-ayo sa TV 5 ang pako ni Eula Caballero sa programang Cassandra: Warrior Angel ug giingong moabot sa dul-an sa P50,000 ang kantidad niini.Gisaad ni Eula nga tarungon niya pag-ayo ang iyang trabaho aron dili magmahay kaniya ang iyang mother network.
Zanjoe dili makatikang
Dili makatambong si Zanjoe Marudo sa Cannes International Film Festival kung diin nakasalmot ang pelikula niya nga Death March. Suma pa niya nga puno na kaayo ang iyang skedyul.
Nihinay?
Kever lang si Angelica Panganiban sa istorya nga matud pa nga nihinay na ang serye niya nga Apoy sa Dagat sa ABS-CBN. Matud pa sa aktres nga dili niya tagdon ang maong istorya aron dili maapektohan ang iyang trabaho.
Sa masuya lang
Mahiligon si Alessandra de Rossi nga mosul-ob og mga sexy nga outfit bisan pa man nga daghan ang moingon nga wala siya’y angay gumikan sa iyang pagkadaot.
Wilma morampa gihapon
Aktibo gihapon si Wilma Doesnt sa mga fashion show bisan pa man sa ka busy niya sa iyang pamilya. Mangatol ang tiil ni Wilma kung dili kasalmot og mga fashion show gumikan kay dinhi siya nailhan sa publiko.
Nag-uli na
Gipahibalo ni Jomari Yllana nga nagtingog na sila sa iyang business partner nga si Ronald Singson ug gihimakak niya nga matud pa nga bug-at kaayo ang rason sa ilang panagbikil niadto.
Koneksyon
Giangkon ni Wowie de Guzman nga kung hisgutan ang iyang pangalan, kanunay gyud kini ikonektar sa kanhi niya ka-loveteam nga si Judy Ann Santos. Kahinumduman nga sikat kaayo niadto ang team-up sa duha.
Palitan
Ipasalida na karong May 22 ang pelikulang “Palitan†nga gibidahan nila ni Alex Medina, Mon Confiado ug Mara Lopez. Samtang una kini nga higayon ni Mara nga mibuhat og bug-at nga sexy nga eksena.
Coco nalandig sa tambalanan
Nalandig sa St. Luke's Medical Center kagahapon sa buntag ang Kapamilya actor nga si Coco Martin gumikan sa hilanat.
Giingong resulta kini sa kahago sa lawas ni Coco ilabi na nga nagbaha ang mga proyekto ug endorsements niini.
Hinuon stable na karon ang kahimtang sa aktor apan bisan pa man sa tambag sa doktor nga mopahuway, nitrabaho gihapon kini ug nitikang sa taping sa seryeng Juan dela Cruz.
Nasayran nga nahago usab ang lawas ni Coco gumikan sa kanunay niya nga pag-uban sa campaign sorties ni Sonny Angara nga nidagan pagka-senador.
Beyonce nagsabak?
Gidungog karon nga matud pa nagsabak ang RnB singer nga si Beyonce Knowles gumikan kay nausab na ang pamorma sa tiyan niini.
Giingong mao na kini ang ikatulong anak nila ni Beyonce ug sa rapper nga si Jay-Z kung makumpirmar ang maong taho.
Kahinumduman nga sa miaging tuig, gihimugso sa singer ang ikaduha nila nga anak ni Jay-Z nga si Blue Ivy.
Samtang makahilak permi ang singer kung maghisgot sa kaagi niya niadtong duha ka tuig na nga milabay kung diin napunit ang gisabak niya nga bata nga mao unta ang kinamaguwangan nga anak nila ni Jay-Z.
Lovi motabang sa mga programa ni Grace
Gipasalig ni Lovi Poe nga iyahang suportahan ang mga programa o adbokasiya sa iyang igsuon nga si Grace Poe kinsa nag-una karon sa partial result sa mga nidagan og senador.
Hayag na kang Lovi nga mahimo gyud nga senador ang iyang igsuon busa excited na siya sa mahimong proyekto niini alang sa katawhan.
Matud pa ni Lovi nga nag-monitor gyud siya sa mga news program niadtong Mayo 13 aron masayod sa istado ni Grace sa piniliay.
Usa sa adbokasiya ni Grace mao ang pagpanday og mga programa alang sa mga kabos sanglit mao kini ang pangandoy sa iyang amahan nga si anhing Fernando Poe Jr (FPJ).
Madugay pa
Gitataw ni Daniel Padilla nga bisan pa man sa “MU (mutual understanding) status†nila ni Kathryn Bernardo, gipanglantwan niya nga dugay pa gyud sila nga magkauyab gumikan susama silang duha nga nalingaw sa ilang mga career. “Matagal na matagal pa,†hirit pa ni Daniel.
Ang labing importante ni Daniel nga na-enjoy silang duha ni Kathryn sa kasamtangan nila nga set-up. “Lahat tayo may panahon sa pag-ibig. Kahit na gaano kasikip, ang pag-ibig, malaki ang space niyan,†matud pa sa aktor.
Marian molihay ni Popoy
Gikatahong dili magdugay sa usa ka event si Marian Rivera kung mabatyagan niini nga naa ang presensya sa iyang kanhi talent manager nga si Popoy Caritativo.
Gumikan sa maong sitwasyon, nakadawat og daghang mga pagsaway si Marian gumikan kay tataw nga wala na kini respeto ngadto kang Popoy nga maoy naghupot sa iyang career sulod sa taas nga panahon.
Apan ang kampo ni Marian una na nga nisaysay nga dili pa lang gyud andam ang aktres nga iyang mahimamat ang kanhi niya talent manager.
Duna’y igong rason matud pa ang aktres sa iyang gibuhat apan dili niya kini isaysay gumikan kay duna siya’y utang kabubut-on sa iyang kanhi manager.
Ryan mo-produce og sitcom
Naghinam-hinam na si Ryan Agoncillo sa gamaon niya nga sitcom sa TV5 kung diin si Joey Reyes maoy direktor.
Dili lang artista si Ryan sa maong project gumikan kay co-producer usab siya niini uban sa Archangel Media ni Tony Tuviera.
Gikatahong sugdan ang nahisgutang sitcom sunod buwan, ug matud pa duha ka big stars ang malakip usab sa maong programa.
Samtang, gisaulog nila ni Ryan ug sa iyang asawa nga si Judy Ann Santos ang ilang 4th wedding anniversary didto sa Los Angeles busa dili tinuod ang balita nga matud pa buwag na silang duha.
Robin wala pa ka-renew sa Dos
Niadtong October 2012 pa na-expire ang kontrata ni Robin Padilla sa ABS-CBN apan wala gihapo’y kisaw kung mo-renew pa ba ang aktor sa nahisgutang network.
Una na nga gipadayag ni Robin nga magpabilin siya sa Dos, gani nakatrabaho siya sa maong istasyon pinaagi sa seryeng “Kailangan Ko’y Ikaw†bisan wala siya’y kotrata.
Nahuman na ang maong serye busa nagpaabot na lang ang aktor sa iyang sunod nga proyekto.
Hinuon makigtigom na ang kampo sa aktor ngadto sa mga executive sa ABS-CBN aron hisgutan ang dugang pa nga mga proyekto ni Robin. Masaligon ang Dos nga dili mobiya si Robin sa ilang poder gumikan kay maayo ang pag-atiman nila niini.