CEBU, Philippines - Gibutyag ni Tom Rodriguez nga gitun-an gyud niya og pipila ka semana sa wala pa niya dawata ang seryeng “My Husband’s Lover†sa GMA-7. Giingong aduna pa’y laing mga proyekto sa ubang network ang gitanyag ngadto sa aktor apan ang “My Husband’s Lover†maoy nataypan ni Tom.
Komportable
Tsika pa ni Julia Montes nga wala siya kiwawi sa panag-uban nila ni Enchong Dee sa seryeng "Muling Buksan Ang Puso." Si Enchong maoy gidungog nga ex-boyfriend ni Julia.
Gary sa Sarap Diva
Ang Kapamilya star nga si Gary Valenciano maoy special guest sa programa ni Regine Velasquez nga Sarap Diva sa GMA-7. Usa sa giatngan pag-ayo sa viewers mao ang song number sa duruha.
Andrei naglaum gihapon
Nagmalaumon si Andrei Felix nga magkabalik sila ni Venus Raj ilabi na nga gibuwagan siya sa kanhi beauty-queen pinaagi sa phone lamang. Aminado si Andrei nga dili lalim nga mawala kaniya ang usa sa mga espesyal nga babaye sa iyang kinabuhi.
Kathryn nakahukom na
Nakapili na si Kathryn Bernardo og kurso alang sa hingpit na niya nga pagsulod sa kolehiyo. Gipaneguro sa aktres nga dili gyud siya magmahay kung mopili siya og butang nga iyang sudlan busa gipili niya ang kursong Fashion Marketing.
Ruffa Mae nakauyon sa Toda Max
Mobalik si Ruffa Mae Quinto sa pag-guest sa sitcom sa ABS-CBN nga Toda Max karong gabii. Ubay-ubay na ang nisugyot nga himoon na lang nga regular si Ruffa Mae sa maong show. Wala’y problema ang aktres sa maong sugyot apan igo ra siya nag-agad sa hukom sa network.
Nag-agad sa panahon
Pahiyom maoy unang gibalos ni Rayver Cruz sa dihang gipangutana kung andam na ba siya nga makauban sa usa ka proyekto ang kanhi niya uyab nga si Sarah Geronimo. Mihirit hinuon ang aktor sa pag-ingon nga nag-agad ra siya sa dagan sa panahon.
Kuha ang peg
Kanunay nga magdali og gawas sa studio sa ASAP si John Prats matag Domingo gumikan kay iyang kuhaon ang gidungog niya nga uyab nga si Isabel Oli sa studio sa Party Pilipinas sa GMA-7.
Andrea mihilak
Emosyonal ang batang aktres nga si Andrea Brillantes samtang naglakaw sa center stage atol sa formal nga pag-introduce sa iyang first teleserye nga Annaliza ngadto sa advertisers sa bag-ohay lang nga ABS-CBN trade event sa NBC Tent sa Taguig.
Wala na’y paglaum
Giklaro ni Coleen Garcia nga imposible na kaayo nga magkabalik sila ni Gab Valenciano gumikan kay wala na sila’y komunikasyon karon. Kahinumduman nga nagbuwag ang duha human nakahukom si Gab nga motungha sa laing nasud ug dili uyon si Coleen og long distance relationship. (Sanden J. Anadia)