PIK: Tahimik lang ang magkasintahang Biboy Ramirez at Vaness del Moral pero naiintriga pa rin sila dahil may mga nagsasabing umaasa na lang si Biboy kay Vaness dahil sa mas marami itong trabaho kesa sa kanya.
Mariing pinabulaanan ito ni Biboy dahil may trabaho naman siya at hindi naman siya nawawalan.
Ayon sa aktor, meron na siyang regular na show sa TV5 na kung saan bahagi siya sa bagong fantasy series ni Eula Caballero na Cassandra.
Bukod pa ang mga indie film niyang naÂgaÂgawa at proud nga siya sa nagawa niyang In Nomine Matris (Sa Ngalan ng Ina) na kung saan isa sa nagwaging pelikula sa New Wave Section ng nakaraang Metro Manila Film Festival.
Isa ito sa pino-promote ngayon ni Biboy dahil magsu-showing na ito sa May 8.
PAK: Umalis kahapon ng umaga patuÂngong Hong Kong ang buong grupo ng Eat Bulaga dahil nag-treat si Mr. Tony Tuviera sa kanilang lahat para roon i-celebrate ang kaarawan ni Vic Sotto.
Excited silang lahat dahil first abroad ito ni Ryzza Mae Dizon at ililibot nila sa Hong Kong Disneyland ang child wonder ng Eat Bulaga.
Magkukuha rin sila roon ng shots para sa The Ryzza Mae Show. Maaga pa lang ay nasa airport na ang bagets at nagulat ito sa sobrang dami ng tao sa airport na nagkagulo sa kanya.
Kahapon ang mismong kaarawan ni Bossing Vic kaya masaya siya dahil kasama nito ang buong Dabarkads at siyempre si Pauleen Luna na wala pang naibigay na birthday gift sa kanya.
BOOM: Sinubukan namin kunan ng statement si Mr. Tony Tuviera kaugnay sa pagpa-handle sa kanya ni Marian Rivera pero tumanggi ito.
Ang latest na narinig namin, gusto pa rin ni Mr. Tuviera na makausap si Popoy Caritativo kasama si Marian pero hindi pa handa ang aktres.
Lumabas din sa PEP nung isang araw lang na wala na rin si Martin Escudero sa poder ni Popoy pero hindi pa rin nagsasalita ang huli.
Aminado si Popoy na nasaktan siya sa nangyari sa kanila ni Marian pero gusto na raw muna niyang manahimik at saka na siya magsasalita.
Nakorner naman namin si Dennis Trillo sa nakaraang Golden Screen Awards for Movies pero tumanggi itong magsalita.
Wala siyang alam sa isyung iyon at mas gusto rin niyang manahimik dahil wala naman siyang kinalaman sa isyu ng dalawa.