Masasamang loob lagot kay Robin Dude

MANILA, Philippines - Tutugisin muli ni Robin Dude ang mga ma­sa­sa­mang-loob sa Istorifik: Pidol’s Kuwentong Fanstastik ngayong Linggo. Ito ang unang major project ng tambalang Akihiro Blanco at Chanel Morales na unang nakilala sa Artista Academy, ang artista reality-search show ng TV5.

Si Akihiro ay si Hiro, isang binata na lumaki sa slum area. Nabigyan ng makapangyarihang pana si Hiro na nag­bibigay ng lakas sa kanya bilang si Robin Dude. Sasagupain ni Robin Dude ang reyna na kasamaang si Mortianna (Bing Loyzaga). Nais ni Mortianna na makuha ang mahiwagang pana upang makamit ang buhay na walang hanggan.

Ngunit tumitibok ang puso ni Hiro sa magandang dalagang si Marian (Cha­nel Morales). Isang estudyante si Marian na nag-i-immersion sa lugar ni Hiro. Pero kahit anong panunuyo ni Hiro, in love si Marian sa dakilang superhero na si Robin Dude.

Malapit nang maubos ang oras ni Mortianna para makuha ang pana ng a­ting bida. Natalo na ni Robin Dude ang taong lobo at bampirang pinakawalan ni Mortianna sa mundo ng mga tao subalit marami pa ang naghihintay na kalaban ni Robin Dude tulad ng babaeng ahas at mga zombie.