CEBU, Philippines - Milupad matud pa paingon sa France si 2012 Miss Universe First Runner-up Janine Tugunon adtong Lunes, o usa ka adlaw human ang Bb. Pilipinas Gold. Ang tsika miapas matud pa si Janine sa bokalista sa Irish band nga The Script nga si Danny O’Donaghue.
Suma pa gidapit matud pa si Janine ni Danny aron mukuyog sa tour sa banda didto. Ang tsika nga nadawat sa Banat News Hugyaw kagahapon mao nga hasta ang handler ni Janine nga si Jonas Gaffud, tag-iya ug tagdumala sa Mercator modeling agency nasurpresa kay wala kini kasayuran sa paglupad sa iyang talent paingon sa France. Dugang pa nga naigo gyud matud pa ang beauty-queen kang Danny ug namulong pa kini nga andam niyang buhian, biyaan o talikdan ang tanan tungod ug alang kang Danny. Nasayran nga daghan ang nalain kang Janine human migawas ang taped guesting niya kauban ang iyang ex-boyfriend nga si Jaypee Santos sa Kris TV ni Kris Aquino sa ABS-CBN kagahapon sa buntag.
Kini human gibutyag ni Janine nga nagbuwag na sila ni Jaypee gumikan kay “I’m now thinking twice†human niya nahimamat sa personal si Danny atol sa concert sa The Script sa Araneta Coliseum sa milabay nga buwan. Nasayran nga fan si Janine sa nahisgutang banda ilabi na sa bokalista niini ug dihang nahimamat na niya si Danny giingnan siya nga “i-follow†niya ang bokalista sa Twitter kay i-follow-back sab siya niini. Didto nagsugod ang pagbayloay nila og direct message ug miresulta sa panag-away ni Janine ug Jaypee matud pa nga misampot sa pakigbuwag sa beauty queen.
Katarungan ni Janine ngadto kang Kris nga dili matud pa makiangayon nga kuyog niya si Jaypee unya lahi nga tawo ang iyang gihunanuna (si Danny). Samtang si Jaypee dihang gipangutana ni Kris nganong mikuyog pa siya kang Janine sa maong guesting nga buwag naman sila, (nagluto pa sila’g tinolang manok), mitubag nga gihatag matud pa niya og “space†ang dalaga kay mao may kabubut-on niini, aron makahunahuna kini og maayo.