Britain’s Got Talent Pinay nakadawat og standing ovation

CEBU, Philippines - Nakadawat og standing ovation sa miaging adlaw gikan sa mga hurado sa “Britain’s Got Talent” ang 11 anyos nga Pinay nga si Arixsandra Libantino.

Nahugyaw ang mga hurado sa maong programa nga sila si  Simon Cowell, Amanda Holden, David Walliams, ug  Alesha Dixon sa dihang gikanta ni Arixsandra ang awit nga gipasikat ni Jennifer Hudson nga  “One Night Only”.

“OMG, you’re superhuman. You’re one of the best auditions we’ve had so far,” mensahe pa ni Simon ngadto kang Arixsandra.

Ang hurado nga si Alesha nagkanayon, “An 11-year-old girl should not be able to sing with that much maturity. I think everyone in this room was gobsmacked.”

Naukay usab si Amanda pinaagi sa pag-ingon og,” “You did literally lift the roof off this building. It was absolutely incredible. You have the gift and thank you for sharing it with us today.”

Mga artista mihugop sa premiere

Star-studded ang premiere night sa comedy film  nga Coming Soon sa  Greenbelt 3 sa miaging gabii. Mitambong sila si Iza Calzado, Solenn Heussaff, Bianca King, Julia Barretto, Jomari Yllana, Bubbles Paraiso, Atticus King, Liz ug Laureen Uy, Paolo Paraiso, Crystalle Henares, Raymond Gutierrez, Ronald Singson, Fabio Ide, Tessa Prieto-Valdes, ug Karel Marquez. Ang Coming Soon gibidahan nila ni Andi Eigennman, Quizon, Dominic Roco, Glaiza de Castro, Cholo Barretto ug Carla Humphries. (Sanden J. Anadia)