CEBU, Philippines - Before anything else, mopasalamat una ko sa usa sa labing suod nakong higala sa natad sa modeling, designing ug talent management nga si Danny Booc. Kay nakatilaw jud ko sa mga food product supplements nga iyang gipanghatag pinaagi sa iyang mga models, ug sa SEA PharmaOptions Inc., ang distributor sa Quality Healthcare, nga mga barato gyod kaayo [pero ako wa pa ko mamalit kay one year supply ang gipadala ni Danny Booc]. Labi na ang anti-aging nga Plasmin, ang Blood Clot dissolver. Maayo sa stress sa work, overweight.
Ug ari ko sa mga batan-ong magsuon, Christian Roy ug Rey Tariman. Bungkag na gyod ang Tres Metros. Ang magsoon na ang kanunay’ng makita sa mga salida sa Vital Productions. Pero daw last na tingali tong Lenten offering nila para sa INTV-CCTN, Channel 47 kay si Christian gikuha sa IPI [International Pharmaceuticals Inc], para sa gihimo nilang Jake Castillo para sa TV5. Ug ang kaluhang Roy ug Rey, mokuyog kono sa ilang maguwang nga si Christian. Nalipay kono ang amahan nga si direk Pepe. Pero ang tambag niya sa tulo, ang maayo gyong attitude. Kay dili na baya siya ang director, ug lahi na gyod ang TV5 kay sa INTV-CCTN, Channel 47. Lahi as in lahi, bisa’g sa mga equipment lang, ug sa kadaghan sa mga tawo sama sa cameraman, assistant cameraman, mga PA, may make-up artista pa ug uban pa. Pero, ako moingon lang, Good Luck! Ug yes, attitude gyod.