Isay Alvarez parang walang sakit

MANILA, Philippines - Nasalubong ng mag-asawa na sina Robert Seña at Isay Alvarez ang grupo ng press na inimbitahan ni Albay Governor Joey Salceda sa Misibis Bay & Resort sa Bicol. Nagbabakasyon ang mag-asawa through the invitation of the governor habang ang press naman ay upang saksihan ang month-long festivities ng Albay.

Itinanggi ni Isay na stage 3 na ang cancer niyang leukemia kundi stage 1. Hindi naging dahilan ang sakit niya upang itigil ang staging ng Katy: The Musical na pinagbibidahan niya. In fact, by July ay magsisimula na ang repeat nito.

Medyo payat man ngayon si Isay, masigla pa rin naman siya nang kausapin ng press na para bang walang dinaramdam. Nagawa pa nga niyang subukan ang All-Terrain Drive adventure sa lava flow ng Mayon Volcano, huh!

Magayon Festival pangatlo na sa nangunguna sa bansa

Speaking of Albay, ongoing pa rin ang Daragang Magayon Festival. Ito kasi ang No. 3 sa mga nangungunang festival sa bansa na ang number one and two ay ang Sinulog at Dinagyang Festival.

This year, P22M ang ginastos ng lalawigan para sa Magayon Festival. Eh marami namang naging sponsors ng festival kaya nasulit din ‘yon sa gastusin sa isang buwang kasiyahan!

Meron ngang isang malaking main road na ginawang tiangge at inuman-kainan gabi-gabi. ’Tapos ay merong banda na umaaliw sa mga tao.

Eh nang pumasyal ang grupo sa Misibis Bay & Resort, meron nang tulay na ipinagawa si Gov. Joey unlike two years ago na isinasakay pa sa barge ang bawat sasakyan na gustong pumasyal sa sikat na resort!

Now running on his third term bilang gobernador, natutuwa ang mga nasasakupang bayan ni Gov. Joey dahil sa magandang improvement sa kanilang probinsiya.

Balitang after ng term niya bilang governor, ang maging senador naman ang kanyang puntirya.

Negosyanteng BF never nakialam sa career ni Bela

Simpleng tao na nagulo ang buhay nang lumutang na sa showbiz si Neil Arce. Binabato ng intriga ngayon ang nonshowbiz guy dahil masyado siyang visible lately bilang boyfriend ni Bela Padilla.

Dati kasi, nang girlfriend niya si Maxene Magalona, tahimik lang si Neil. Never din siyang nagsalita nang maghiwalay sila. Ibang tao pa ang nagsasalita. Pero naging tikom ang bibig ng lalaki.

Maging nung presscon ng una nilang venture nina Ronald Singson at Boy2 Quizon ng movie na Coming Soon, safe pa ang sagot niya tungkol kay Ma­xene. Tapos na kasi ang chapter na ‘yon ng buhay niya kaya wala nang dapat ungkatin pa.

Ngayong sinasabihan si Neil na madalas bumuntot kay Bela, gusto lang naming depensahan ang taong naging malapit sa amin na never siyang nakialam sa career ni Bela.

Isang simpleng tao lang si Neil na gustong magnegosyo kaya huwag siyang paratangan ng maling akusasyon.