Claudine dadaan sa kalbaryo sa kapitbahay lang na mga biyenan

MANILA, Philippines - Nagsimula na nitong Lunes (April 8) ang pina­kabagong Koreanovela na siguradong susubaybayan ng Kapuso viewers, ang Unexpected You.

Ang Unexpected You ay isang family drama tungkol kay Claudine Hong (Kim Nam Joo), isang career woman na akala’y naka-jackpot matapos ma­pakasalan si Terry (Yu Jun Sang), isang adop­ted doctor na walang pamilya. Sa hindi inaasahang pagkakataon, bigla na lang siyang magugulat nang malamang natagpuan na ng asawa ang kanyang biological family.

Sa paglaki ni Claudine ay naransan niya kung paano ang magkaroon ng isang magulong pamilya kaya naman laking tuwa niya na wala siyang in-laws na kailangang pakisamahan. Ngunit sadyang mapaglaro ang tadhana dahil mahahanap ni Terry ang kanyang tunay na pamilya. Ang masaklap pa ay magiging kapitbahay ni Claudine ang kanyang in-laws.

Ano kayang gulo ang naghihintay sa mag-asa­wang Terry at Claudine? Posible pa kayang mag­kasundo si Claudine at ang kanyang mga biyenan?

Expect the unexpected dahil araw-araw nang mapapanood tuwing umaga ang Unexpected You pagkatapos ng Kusina Master sa GMA 7.