P-Noy binigyan ng bagong title si Gov. ER, Asiong Aksaya!

SEEN: Inaabangan ang pagdating ni AiAi delas Alas mula sa Amerika dahil sa balita na nagpakasal sila sa Las Vegas, Nevada ng kanyang boyfriend na si Jed Salang.

SCENE: Si Zoren Legaspi ang guest co-host sa unang anibersaryo kahapon ng Showbiz Inside Report ng ABS-CBN.

SEEN: Komportableng-komportable sa pakikisalamuha sa entertainment press ang mga producer ng Coming Soon, sina Neil Arce at ex-Congressman Ronald Singson.

SCENE: Ngayon ang 28th birthday ni KC Concepcion.

SEEN: Ngayon ang 47th birthday ni Richard Gomez at ipinagdiriwang niya ang kaarawan sa Ormoc City. Kumakandidatong mayor ng Ormoc City si Ri­chard.

SCENE: Pinaringgan ni Presidente Noynoy Aquino si Laguna Gov. ER Ejercito sa kanyang speech sa proclamation rally ng mga kandidato ng Liberal Party sa Sta. Cruz, Laguna noong Biyernes. 

Tinawag ni P-Noy na Asiong Aksaya si ER dahil palagi itong late sa mga appointment.

SEEN: Ang video at mga litrato ng kanyang ‘24 Oras’ na serbisyo sa Laguna ang sagot ni Gov. ER Ejercito sa mga patutsada sa kanya ni P-Noy.

SCENE: May katuwiran si Congressman JV Ejercito na magreklamo dahil kitang-kita sa video na kanyang inilabas na hindi niya inisnab ang anak ni Senator Jinggoy Estrada na si Janella.

Malinaw ang eksena sa video na bineso at nakipagkamay si JV sa kanyang pamangkin.