Summer Escapade

Mao na ni all over the world mga sweet kabutanding! As promised ania na ang detalye sa  Summer Escapade sa inyong Yur’s truly nga mabulokon kaayo. Ngano? Dili lang tungod kay kauban nako si Angelica Gica, Johnica Carpio ug tita Girlie Chan kung dili ang among kasanatian. It makes me feel good. Pagpadulong sa Moalboal, Cebu makalingaw na kaayo kay taas nga linya sa South Bus Terminal, bitbit ang  mga dahon nga para gamiton sa decoration sa simbahan, naukay ko kay nag-inilugay na sa malingkuran. Sa dihang naglingkod nami…1st spotted: Ang new crush nako. Para makasiguro nga siya gyud akong nakita abtik kaayo ko naka text pag-reply sa Mr. New Crush - “kauban nako akong asawa ug anak” napalong ang akong kahinam. Hahahaha!

Pag- abot namo sa Panagsama Basdiot, beauty rest ug nagsugod na ang best in decoration sa simbahan, nindot ang feeling nga gisugat mi og pahiyom ug BisChika ni Msgr. Sanico. Pagkagabii, gisugat namo ang birthday ni Tita Girlie nga best in drinking of wine of the stars ang peg, unya kami ni Johnica kay hard drinks lang nga best in mix. Sa sunod adlaw, gitikang namo ang famous nga white beach para mag-swimming, maayo na lang dunay imbitasyon si Bernard Labalan, sa iyang pamilya nga mainit kaayo kaming gipadayon sa HK Beach Resort, Saavedra, Moalboal, nakaingon ko dili na kinahanglan molayo pa para makasinati og puti nga balas, tin-aw nga tubig,naa lang sa Moalboal, Cebu.

Second spotted: Usa ka sikat nga fashion designer nga naa sa usa ka parte sa resort nga busy texting. Wala siya kabantay sa pag- agi nako.

Third spotted: Mga sisterretes nga mga babaye na kaayo kay nilugwa ko sa usa sa mga discohan sa Panagsama pag Sabado De Gloria.

Tungod usab kay Fire Prevention niaging buwan ang inyong Yur’s truly gi-imbitar sa  Mactan Economic Zone Safety and Security Council, Inc. (MEZSSCI) in cooperation with MEPZCEM and PEZA-Mactan Economic Zone gipahigayon nga 2013 MEZ Emergency Response Team (ERT) Competition last March 23, 2013 (Saturday) sa MEZ 1 Football Field didto sa Lapu-lapu City, Cebu para mamahimong  usa sa mga hurado sa ilang Best Muse. Pagkahuman sa ilang motorcade gikan sa MEZ 1 to MEZ 2 balik sa MEZ 1 Football Field. NaHugyaw ang akong beauty kay gipasayaw ko sa akong “ GoodMorning Butanding Dance “ with matching Harlem Shake. Singot kung singot gyud sayo sa kabuntagon. Infairness, makaingon gyud ko nga gamay lang ang kalibutan kay ang nag open sa programa nga si MEZSSCI President nga si Engr, Michael Ymas nagka classmate mi sa P.E sa USJ-R, O, di ba? Hugyaw ra? Gisundan dayon sa Mactan Economic Zone’s Operations Manager Atty. Rufino San Juan para sa iyang inspirational message in behalf of Zone Administrator Sansaluna Pinagayao. 

Salamat usab sa suporta sa  BFP Lapulapu Fire District, Peza Fire Department, ERUF ug ang Philippine Red Cross- Lapu Lapu/ Cordova Chapter. Sa makausa pa, Thank you  kaayo ni sir Kim R. Francisco  Corporate Communications and Talent Acquisition Department- SCI for always inviting me, Sa uulitin!

Congratulations sa mga winners sa men and women categories para sa Straight Fire Hose with Busted and Ladder event, Fire Extinguisher Relay event ug First Aid and Rescue Event. Siyempre ang ilang muse nga si Ms. Ann Marie Bacho

“Sunog at Sakuna Paghandaan, Kalikasan ay Pangalagaan nang Matamasa ang Pag-unlad ng Bayan.”

Kinsa Siya BisChika: Aktor kay best in ngatu (utang) sa usa ka local producer? Ang BisChika kay si aktor sa dihang naa sa Sugbo para sa usa ka kalihukan kay May I Call sa local producer para makigkita. Mao diay makigkita kay para manghuwam og dada (kwarta). Infairness, sa local producer kay generous man kaayo kini gipahulam daw kini niya sigon pa sa atong BisChikadora. Pero ang pangutana? Close sila sa local producer? Hahahahhahaa! Si aktor kay very visible sa mga movies ug sa telebisyon pero wala pa kini gyud nahimong bida. Si local producer? Sikat siya!