Head and Hips

Hello sa mga suki ko diri sa Anah Lang! Espesyal kaayo kini nga adlawa nako kay gitagaan na sad kog laing tuig sa Ginoo nga ma-enjoy ang akong kinabuhi. Yes, adlaw nako karon ug proud akong mosulti nga I’m 26 years old! Anah lang! Kapaspas ra gayud sa panahon. Magpasalamat ko sa tanang tawo ilabina sa akong pamilya, mga higala ug labaw sa tanan nakong pamilya diri sa Banat News IN paghatag kanako niining higayon sa pagsulat og lindog para matabangan kamong tanan sa inyong mga problema. Karong adlawa, akong tubagon ang mga pangutana sa atong mga suki ug palihug ayaw kamo kapuol sa pagpadala sa inyong mga pangutana ug mga topics nga gusto ninyong akong hisgutan. Enjoy!!

1. Hai Ate Ana, I’m Sharlot Mae Mariano from Cebu. Unsa diay angay sul-obon sa gagmay og lawas? Same na ko pero simple raman pod ko. I don’t know how to wear fashionably, nga mo bagay nako. Hope so ate matabangan ko nimo. Thanks and more blessings to come to you.

Hi Sharlot! Swerte kaayo ka kay gamay ka og lawas o petite. Mao nay dali kaayo saninaan. Kung ikaw simple lang, then go for the basics ug classic nga mga pieces sama sa  white t-shirt, blue jeans or denim shorts. Simple lamang kini pero elegante ug desente tan-awon. Ang mga petite, pwede kaayo mag- skirt ug shorts para ma-emphasize ang legs. Pwede sad kang mag fit. Likayi ang mga luag nga sanina para di ka samot ka gamay tan-awon. Kung komportable ka sa heels, mas labing maayo!

2. Good morning ate! Ask lang unta ko dry man gud kaayo ko’g lips, then manguspak man pag-ayo nya nang lagum sa isig ka kilid. Then nagka sunburn sad akong nawong. Unsay angay nakung ibutang? Thanks. I’m Ana Marie Davide from Naga, Cebu.

Hi Ana!  Kung nagka chap imong lips o nanguspak, aniay tips nga maayo kini. Gamit og humok nga toothbrush nya e masahe kini in a circular motion, para matangtang ang mga patay nga panit. Unya butangi kini og olive oil, o coconut oil, o aloe vera, o palit og vitamin e nga oil then ibutang sa affected nga area. Then siguroang magsige ka og inom og tubig ug likayi ang pag-sige og tila sa imong lips para dili mosamot. Apply dayon og lip balm kung ikaw magpainit.

3. Hello good morning! Mangutana lang ko about fashion, unsay angay korte sa akong  kulot nga buhok? Then unsa pod ang angay isul-ob nako nga itumon ko then mubo ko then may pagkadauton. Thanks paabot ko sa imong tubag Jun Fe of Pagsabungan, Mandaue

Hi Jun! Kung kulot imong buhok, pwede nimo kining ipalimpyo nga haircut sa kilid nya ipatubo sa taas. Pwede sad ni nimong patas-on gamay. Depende ra gyud sa imong kaugalingong style. Pwede sad nimo ipamubo pag-ayo para mas limpyo gyud. Naa koy mga sample nga pictures nga pwede nimo mapilian.

4. Hi Good day! Ask lang unta ko. Unsay angay isul-ob sa dako og hips. Unya unsa say bagay isul-ob para motaas imong lawas from Princess of Carmen, Cebu

Hi Princess! Pareha diay ta og korte sa lawas, mga bat-angon? Kung dako ka’g hips, sul-ob og mga pantalon nga boot leg o flare dapit sa tikod para mobalanse sa kadako sa hips. Likayi ang mga skinny jeans kay kini mas nag- emphasize lang sa atong mga bat-ang. Para sa blouse, pilia ang mga low neckline o v-neck para mohatag og ilusyon nga taas ang imong upper body. Sa mga dress, pilia ang style nga fit sa may bust area pero luag sa hawak padung sa ubos. Kung sa mga sayal, pilia ang mga A-line nga sayal para matago ang hips.

Pangutana para ni Anna kabahin sa fashion ug personality development? I-text kana, dungan sa imong ngalan ug address ngadto sa: 0943-431-4567. Kutob lamang karong 10a.m., April 7, ang pagdawat nato sa inyong mga pangutana busa go, text, text, text na!

Stylissimo Sessions

Palambua ang imong kaugalingon! Hikaplagi ang imong potensyal sa natad sa modeling, fashion ug beauty. Palig-ona ang imong personalidad!

Apil sa Stylissimo Sessions Summer Modeling Workshop 2013! Pagkat-on kauban sa mga banggiitan nga mga mentors, apil na niini ang mga beauty queens nga sila si Miss Cebu Kris Janson ug Miss Aliwan Rogelie Catacutan.

 Alang sa dugang kasayuran, tawaga o text sa head mentor nga si Dexter Alazas pinaagi sa : 0923-887-8861 ug 0917-6961596.

Pagdali! Basin ikaw na ang musunod labing dako nga ngalan sa natad sa fashion ug beauty pageant!

Ay naku naku naku mga hugyawnatics, mga kamags, ug mga kabonding kumusta ang inyong pagpangandam sa summer 2013? Gogogogo na ba mo? Kung dili pa, atangi ang month long anniversary sa MAGTV Na! sa ilang pagsaulog sa ilang TRIUMPH 5 nga magsugod na ugma April 7, 2013.Yes mga kabonding ug mga hugyawnatics, lima ka tuig nang gahatag og kalingawan, inspirasyon ug impormasyon ang inyohang mga kamags.