CEBU, Philippines - Yezz mga yadzz! All star cast ang bag-ong project ni Ms. Aida Patana, ang produ sa teleserye, Baylo Ta nga makita pa until now sa INTV –CCTN, Channel 47, ug nagpasalig si Ms. Aida, nga duna gyo’y part 2 meaning, kun mahuman kining story nga nagdagan karon, makita gihapon siya sa part 2, bisa’g ang ubang cast, mawagtang, kay siya may leading lady. Mahimo ba gong mawagtang ang leading lady sa sequel? Dili na kana sequel, kun mawagtang ang leading lady, dili ba? Ug sa bag-o niyang project titled, Loving Hearts, siya gihapo’y leading lady, kay siya ra gyod ang makahatag og justice sa role sa girl nga na-focus sa story, kay sugilanon man sa iyang kinabuhi, meaning, true to life story ni, nga anha sa TV5 isalida directed by William Mayo, starring among many others, aside from Ms. Aida [take note], Ian Veneracion, Isabel Granada, Jao Mapa, Boots Anson Roa, Robert Arevalo and, Jeric Raval. Sa mga local stars, naa si Mandaue City Councilor Editha Flores Cabahug ug ang duha niya ka very good looking ug talented nga mga anak, Cathy F. Cabahug ug Kevin F. Cabahug. Si Inday Editha maoy inahan ni Jao Mapa dinhi. Si Jao maoy second husband ni Ms. Aida after her failed marriage to Ian V. Dili lang ko maka-take sa role ni Kevin, kay sa ka gwapo niya, kargador iyang role! However, sila si Kevin ug Ms. Aida, duna say laing project. Usa ka travel show! Hala mo diha. Dili sad mo maboang sa schedules ni Ms. Aida? As in, kun nakahisgot ko sa ka, workaholic ni Maam Mayen, mao sad ni’s Ms. Aida, labaw pa kong maboang. Pero utro sad ni’s Amparito Llamas Lhuillier! Utro pod nga workaholic. Naa silay restaurant, duna sila’y mga food products, ug siempre, M. Lhuillier Jewelries ug mga wines, nga si Ms. Aida ang distributor! Sukol pa mo?