Chiz and Heart vs. Ongpaucos!

CEBU, Philippines - VATSKI: Maayong adlaw, Gar, ug sa tanang mga loyalista sa Banatanay! Nahuman na gyud ang Lent kon Kwaresma, pwede nata magkiat og balik. Hahaha! Anyway, speaking of kiat, kiat lang gyud ning nawong ni Heart Evangelista ug ni Sen. Chiz Escudero rong panahona. Klaro kaayo nis Chiz nga namulitika at the expense of Heart’s family. Tiaw mo na, murag nahug nga gietsapwera na ni Heart ang iyang pamilya alang sa iyang uyab nga si Chiz. Sakto diay na, Gar? Pipila pa lang gani sila kabuwan, mura naman siya og sigurado na gyud nga siya gyu’y himuong rayna sa kinabuhi ni Chiz. Nalimot si Heart nga mismo ang asawa ni Chiz iya pa man ganing gibuwagan. Tan-aw nako, gigamit ra gyud ni ni Chiz si Heart kay syempre humot sa publiko, unya nangambisyon biya ni siya nga mamahimong Presidente sa 2016. Ang resulta hinuon, niubos ang iyang rating. Mirisi!

GARRY: Stay-cation ra gyud ko ug nanglimpyo sa akong balay, Vatski... There’s no place like home and I love staying in the house. Sa mosugot ta og sa dili, dako gyud apekto sa kandidatura ni Chiz Escudero ang iyang controversy nga nadangatan karon tali sa iyang future in-laws.

I recall reading my bible about the prodigal son. Ako, Vatski, dili man gyud ko ganahan aning Chiz  pero I guess there must be a time when parents must grant “personal freedom” sa ilang 28-year old daughter. Kahibalo naman ta nga hard-headed gyud ni si Heart apan hatagan nato siya og kahigayunan mopili. Dili na bata si Heart aron bantayan ug sunod-sunoran sa iyang mga ginikanan. Sa Tagalog pa, huwag nilang sakalin ang kanilang anak.

VATSKI: Ah basta, Gar, kung tinuod pa nga gugma ni’ng gibati ni Chiz for Heart, dili niya banggaon iyang pamilya uy. Kay og sila gyud ang magkadayun, iyaha naman pud na’ng pamilya. Unya awayon diay? Tan-aw nako aning tawhana no, naka-interview naman gyud ko ani niya sa pipila na kahigayon, wala gyuy emosyon, murag robot, kitiw lang ang baba. Ang iya lang gyud mosikat, mosaka ang position, bahala na kung kinsa iyang madasmagan. Sa kining sitwasyuna, pamilya sa iyang girlfriend. Unya mao nay tarung nga lalaki? Ang gilantaw ra gud sa mga Ongpauco mao ang kalipay sa ilang anak nga tan-aw nila gi-manipulate ra ni Chiz. Kahibaw gyud siguro ang mga ginikanan ni Heart nga kung dili na sikat si Heart, pwede ra kaayo ni ibasura ni Chiz.

GARRY: Ay naku, Vatski, it always happens like this when the girl’s parents are too “overly” protective of their daughter. Si Heart is already an adult ug she has her own life. Ang iyang mga ginikanan kinahanglan mo-accept sa iyang choices ug labaw sa tanan let her make her own mistakes aron maka-discover si Heart kung nasayop ba siya o ang iyang ginikanan. Tinuod ang pagmahay naa sa awahi. 

Sa katapusan... With due respect sa parents ni Heart, they are selfish! No sound parents would do that to their child publicly, if there is something not right, it should be talked privately. 

Pangutana: Kinsa para nimo dear hugyawnatic ang husto niining maong sitwasyon? Ngano man? Ipalanog na ang imong opinion pinaagi sa pagtext niini, dungan sa imong ngalan ug address ngadto sa: 0917-904-7513. Kutob lamang karong 12 noon, April 1, ang pagdawat nato sa inyong mga reaksyon, busa text, text, text na!