Magkasama sa bakasyon ngayong Semana Santa sina Vic Sotto at Pauleen Luna. Aba eh hindi na naman pala nila itinatago ang relasyon nila na gaya ng dati. Good for Pauleen. At sana sa kanilang pagsasama sa labas ng bansa ay ma-realize na nila, lalo na ni Bossing, na hindi sila puwedeng maging mag-boyfriend habang panahon.
Pero kailan kaya sila magiging mister and misis? Ikaw ang sumagot Bossing dahil hindi ito masasagot ni Pauleen.
Aljur hindi na-intimidate kay Bong
Dumarami ang artistang nakakasali sa Indio. At hindi lamang sila basta-bastang artista. Malalaking artista. Pinaka-latest na napabilang sa maaksiyong teleserye ay si Aljur Abrenica. In fairness sa aktor, hindi na-intimidate ang mas nakababatang artista kay Sen. Bong Revilla, Jr. Nagawa nitong sabayan ang acting ng premyadong aktor.
Susunod na mapapanood sa Indio ay si Katrina Halili. Excited sa kanyang pagbabalik sa acting ang brand new mom.
Rocco atat umarte, parang pang-award lagi
Dapat galingan ni Benjamin Alves ang kanyang pag-arte sa Unforgettable dahil kung hindi ay masasapawan siya ni Rocco Nacino. Eh itong si Rocco pa naman ay parang atat na atat umarte ngayon. Parang palaging ang ginagampanang role ay pang-award.
Nagkakasunud-sunod kasi ang pagtanggap nito ng magagandang role kaya kahit hindi naman pang-award na role ay napapaganda niya.