MANILA, Philippines - Susundan ni Karen Davila ang love triangle sa paÂgitan ng isang babae, ang kanyang mister, at ng dating matalik na kaibigan na naging kabit ngayong araw sa Pinoy True Stories: Engkwentro.
Kumalat ang tsismis na may relasyon ang mister ni Jenalyn at ang kaibigan nitong si Mary Jane ngunit hindi siya naniwala at pinagtanggol pa ang dalawa. Hanggang sa mahuli niya sa akto ang kanilang pagtataksil at nagdesisyong lumayo na sa probinsiya.
Nangako man ang kabit na si Mary Jane na siya’y laÂlayo na, umaaligid pa rin daw ito. Magkakaayos pa kaya ang dating magkaibigan?
Samantala, babalikan naman nina Maan Macapagal at Dominic Almelor sa PInoy True Stories: Saklolo ngayong Miyerkules (March 27) ang kalagayan ni Nanay Mildred na kumakayod at nag-aalaga ng tatlong anak niyang may sakit sa pag-iisip. Una nang itinampok sa programa ang kuwento at hinagpis ni Nanay Mildred na inilapit ng isang concerned citizen.