CEBU, Philippines - Nakalangkat og mga tropeyo sila si Nora Aunor ug Eddie Garcia sa bag-ohay lang nga 7th Asian Film Awards nga gipahigayon sa Hong Kong niadtong Lunes sa gabii.
Si Nora maoy napili nga best actress gumikan sa hugyaw niya nga pag-arte sa Thy Womb ni Direk Brillante Mendoza.
Nakatigi sa superstar sa maong kategoriya sila si Cho Min-soo (South Korea), Golshifteh Farahani (Afghanistan), Gwei Lun-Mei (Taiwan), ug Hao Lei (China).
Samtang si Eddie usab maoy napili nga Best Actor ug nakuha usab niini ang People’s Choice Best Actor award alang sa indie film niya nga â€Bwakawâ€. Usa kini ka comedy-drama film nga sinuwat ni Jun Lana kinsa mao usab ang direktor.
Ang ubang mga nominado sa Best Actor award mao sila si Joseph Chang, Choi Min-sik, Tony Leung Ka-fai, ug Liu Ye.