CEBU, Philippines - Nakahukom ang British pop star nga si Elton John nga kanselahon sa “last minute†ang show niini sa Amerika sa miaging adlaw.
Matud pa nga nabantayan na lang ni Elton nga naglain ang tiyan niini ug dili kaya niini nga mo-perform.
Duha ka oras sa dili pa ang show niya sa Birmingham-Jefferson Convention Complex Arena, gianunsyo ang kahimtang sa singer.
Pipila sa mga sikat nga awit ni Elton naglangkob sa “Candle in the Wind,†“Sorry Seems To Be the Hardest Word,†ug uban pa.
Gerald masaligong makalingkawas sa mga isyu
Masaligon si Gerald Anderson nga makalingkawas siya puhon sa mga isyu nga iyang giatubang karon ug tsika pa niya ngadto sa push.com.ph nga ,†“There’s always a rainbow after the stormâ€.
Positibo matud pa si Gerald sa iyang kaugalingon aron dili dayon siya maapektohan.
“Kailangan lang maging positive. Siyempre kasama talaga ‘yan, eh. Kung ‘di ka magiging strong, dun magiging mahirap, so you should stay strong,†suma pa ni Gerald..
Kahinumduman nga ginganlan ang aktor og “heartbreaker†sa iyang mga kritiko gumikan kay bisan kinsa lang ang babaye nga malambigit kaniya ug labing bag-o karon mao si Maja Salvador.
“Siyempre, wala namang buhay na kumpleto, ‘di ba? Pwede tayong maging kuntento at masaya kung ano’ng meron tayo ngayon, pero siyempre sa ngayon, bata pa naman ako, andami ko pang gustong gawin,†tsika pa ni Gerald.
Ikaduhang album ni Daniel gigama na
Gumikan sa paghangop sa mga tawo kang Daniel Padilla, gisugdan na og hulma ang ikaduhang album sa young actor aron dili maputol ang kainit sa iyang popularidad karong panahona.
Kahinumduman nga nagmalampuson niadto ang unang album niya nga Adik Sa Yo nga sagunson nga nahimutang sa unang puwesto sa music chart.
Tsika pa ni Daniel nga angayan atngan ang ikaduha niya nga album ug segurado siya nga maganahan ang iyang fans sa mga unod sa maong album.
“Abangan nila yung second album ko ginagawa na namin. Sigurado akong magugustuhan nila yung mga kanta dito at maganda talaga siya,†nagkanayon ang aktor.
Samtang niawhag karon si Daniel sa iyang fans nga suportahan ang pelikula nila ni Kathryn Bernardo nga Must Be Love nga padayon karon nga gisalida sa mga sinehan.
Naghinam-hinam na usab karon ang aktor sa umaabot niya nga konsyerto sa Araneta Coliseum karong Abril 30.
Wala damha ni Daniel nga moabot ang punto nga makatungtong siya og Araneta ug sa iya pa gyud nga kaugalingong concert.
Matud pa niya nga iyaha kini nga gipangandaman aron dili madismaya ang iyang fans. Padayon usab karon nga gipistahan sa katawhan ang awit niya nga “Nasa Iyo Na Ang Lahatâ€.