Claudine bihira nang lumabas ng bahay, fans naatat na siyang makita

 1. SEEN: Dalawang branch ng Ryu ang magkasunod na magbubukas.

Ang Ryu ang Japanese restaurant na pag-aari ni Ogie Alcasid at ng kanyang mga business partner.

2. SCENE: Bihirang lumabas ng bahay si Claudine Barretto. Sabik na ang kanyang fans sa pagbabalik niya sa ABS-CBN.

3. SEEN: Gumamit ng mga helicopter camera sa shooting ng Raketeros, ang comedy movie na mula sa direksiyon ni Randy Santiago. Ang mga helicopter camera ang negosyo ni Raymart Santiago.

4. SEEN: May sariling helicopter si Aga Muhlach na may nakatatak na Aga ang kanyang ginagamit sa pangangampanya sa Bicol.

Kandidatong Congressman si Aga. Dagsa ang gustong tumulong sa kanya.

5. SCENE: Nagbabakasyon sa Dedon Island sa Siargao sina Gretchen Barretto kasama ang kanyang mga kaibigang sina Arlene Muhlach, Liezel Martinez  at iba pang mga kaibigan.

Nag-celebrate ng kanyang birthday si Gretchen kamakailan.

6. SEEN: Nauna nang nagbakasyon sa Dedon Island ang grupo nina Kris Aquino at Zsa Zsa Padilla.

7. SEEN: Napili na ni Marvin Agustin ang siyam na contestants ng Karinderya Wars, ang bagong reality cooking show ng TV5.

Si Marvin ang producer at host ng Karinderya Wars.

8. SCENE: Through e-mail ang communication nina Eula Caballero at David Archuleta na dalawang taon na mamamalagi sa South America para sa kanyang missionary work sa The Church of Jesus Christ of Latter Day Saints.

Naging magkaibigan sina Eula at David nang magkasama sila sa Nandito Ako ng TV5.

9. SCENE: Huminto sa pag-tweet ang Philippine Basketball Association (PBA) import na si Renaldo Balkman matapos ipataw ang PBA ban sa kanya.

Pinagtatawanan ang pangako ni Balkman na hindi na mauulit ang insidente ng pananakal niya sa teammate na si Arwind Santos.

10. SEEN: Masyadong soft-spoken si Raymond Yap, ang ex-boyfriend ni Ara Mina.

11. SCENE: Pinagkaguluhan si Derek Ramsay ng mga estudyante ng Kasiglahan Village School sa Montalban, Rizal na dinalaw niya noong Huwebes.

Popular sa mga estudyante ng Kasiglahan ang Kidlat character ni Derek.

12. SEEN: Nagpapasalamat ang mga artista ng Indio dahil sa tatlong araw na magkakasunod na taping nila noong Martes, Miyerkules, at Huwebes. More work, more pay.

13. SCENE: Mahusay na impersonator ni Bamboo si Jose Manalo. Nahihiya na si Jose kay Bamboo dahil sa panggagaya niya sa singer.

14. SEEN: Sinasakyan ni Paolo Ballesteros ang “gay questions” ng press. Gay na gay na ang mga sagot at kilos ni Paolo.

15. SCENE: Proud mother si Lorna Tolentino dahil kasali sa cast ng Bukod Kang Pinagpala ang kanyang anak na si Rap Fernandez.

Co-star ni Rap sa afternoon teleserye ng GMA 7 ang kanyang half-brother na si Mark Anthony Fernandez.

16. SEEN: Ipalalabas sa mga sinehan sa April 10 ang My Lady Boss, ang second movie team up nina Richard Gutierrez at Marian Rivera.

17. SCENE: Franchise ng isang beauty clinic ang bagong negosyo na pinaplano ni Alfred Vargas.

Ang kanyang misis na si Yasmine ang ma­mamahala sa beauty clinic.

18. Tahimik ang mga dating nagsisigawang fans nina Daniel Padilla at Kath­ryn Bernardo. Hindi na­ging maingay ang showing ng pelikula nilang Must Be…Love.

19. SEEN : Nakakasama na ni Andie Eigenmann sa taping ang kanyang anak na si Adrianna Gabrielle o Baby Ellie. Ang cute ng baby at hindi niya ito itinatago.

Madalas niya itong inilalagay sa kanyang Instagram account.

20. SCENE: Mali ang hula ni Ritz Azul na nasa Northern Luzon ang Bata­ngas nang maglaro siya ng Pinoy Henyo sa party ng PEP.

21. SEEN: Araw ng Linggo ang presscon ng It Takes a Man and a Woman dahil sa mga busy schedule nina Sarah Geronimo at John Lloyd Cruz.

22. SCENE: Hindi na naabutan ng direktor na si Danny Zialcita ang showing ng remake ng Nagalit ang Buwan sa Haba ng Gabi.

Ang yumaong direktor ang scriptwriter at direktor ng 1983 version ng pelikula.

23. SEEN: May request si Edu Manzano at ang mga residente ng condo building na kanilang tinitirhan na maglagay ng lagusan para magkaroon sila ng entrance sa Robinsons Magnolia Mall.

24. SCENE: Mala-Bakekang uli ang ilong ni Sunshine Dizon sa Mundo Mo’y Akin dahil sa prosthetics na ginamit sa kanyang mukha.

25. SEEN: Nag-improve ang personality at nadagdagan ang self-confidence ni Sheena Halili buhat nang maghiwalay sila ni Rocco Nacino.

26. SCENE: Mahilig sa online shopping si Rufa Mae Quinto. Madalas siyang mag-inquire sa mga nagbebenta ng mga expensive bags at mga accessories.

27. SEEN : Tumaba na nang husto si Jolo Revilla. Kailangan na niyang magpigil sa pagkain dahil kung hindi baka mas lumubo ang kanyang katawan.

Dapat siyang pigilan ni Jodi Sta. Maria sa pagkain ng marami.