Plunge Cebu’s ultimate summer fashion show

CEBU, Philippines - Asa ka karong summer? Ang Robinsons Fuente, kauban ang Moonwalk Cebu ug Fashion Institute of Design and Arts Cebu (FIDA), mopasundayag sa Plunge! Cebu’s Ultimate Summer Fashion Show diha sa Robinsons Fuente activity area karong March 16, 2013. Busa, hugop na ta, mangadto ta, ug saksihan ta ang brilliant designs sa Dubai-based Cebuano designers nga sila si Kenneth Harrion ug Aldwin Guardiana kauban nila ni Bernardo Flores, Cyrus Velasco, Danny Booc, Edwin Alba, Lemuel Rosos, Romel Pareja, Philipp Tampus, ug Ryan Dumago. Special participation usab ang mga student designers sa FIDA ug mopaukay sa manan-away ang the divine diva “Menerva.”

Sentro sa maong fashion show ang nagkadaiyang hugyaw nga summer fun, beach, street, ug freestyle wears nga personal nga gidisenyo sa mga nahisgutang banggiitan nga mga fashion geniuses. Bida usab dinhi ang mga summer wears ug accesories nga sigurado gayud mopasidlak natong tanan niining panahon sa ting-init. Unang higayon kining mahitabo dinhi sa Sugbo nga mag-join forces ang inilang mga fashion designers aron sa paghatag og fashion updates sa mga fashion lovers kabahin sa patok nga mga summer must-haves niining Year of the Water Snake.

Kining ultimate fashion show gipaluyohan sa It Figures, Flora and Vincent Alvarez Flower Shop, Olive-C, Glutamin, Hapuhap, Gizmo, Ozar Modeling, The Beauty Wonderland, ug ni Mr. Rhyss Gabato. Official makeup artists sila si Gretchen Sy, Marion Alcasid, ug Sydney Villamora. Gipaluyohan usab kini sa M/C Photography, Mark Yap Photography, Mark Ramas Ramirez Photography, ug Jemmerson Edar Photography.

Mga media partners niini ang Buena Mano Balita GMA-7, Love Radio, DYAR, The Freeman, ug Banat News Hugyaw. Ang Plunge gi-derihian ni Robert Comision.  (BANAT NEWS)