CEBU, Philippines - Garry: Dihang nag-eskwela pa ko sa elementary sa University of San Carlos-Boys High School apil gyud sa among subject, ang Good Manners and Right Conduct (GMRC). Ambot lang kaha karon, left and right tang molingi, mura’g nawad-an naman og pamatasan ang kadaghanan karon. Ang akong teacher sa high school sa University of the Visayas, always gyud niyang isulti namo nga dili sayop motubag if it is done with respect.
Apan lahi ni ang usa ka tawo nga gipanganlan og Willie Revillame. Mga Banatanay readers, was it right to humiliate somebody in public just because you are the employer? Para kanako dili maayo gyud ang gibuhat ni Willie sa pagpaka-uwaw nilang Ethel Booba ug Ate Guy atubangan sa camera kay tungod lang bah, mi-question/nangutana ngadto kaniya mahitungod sa resulta sa mini-concert showdown? Tungod ba kay siya ang “boss†sa iyang programa buot ba pasabot siya na gyud ang insakto ug dili na pwede mangutana? Aguroy, daghan kung nahibaw-an sab ana, ang uban mamuyboy pa gani, sama sa akong nahibaw-an nga kanhi pulitiko. Sakto ang gibuhat ni Ethel Booba, dili na gyud ko mobalik human sa kabastosan nga gihimo ni Willie kaniya, ug susama unta ang buhaton ni Ate Guy.
Talagang bastos gyud ni si Willie ug wala’y respeto sa iyang kaubanan sa trabaho. Ang tawo, pag naa na’y kwarta, wala na’y kasingkasing para sa uban. Ang iyang pagtabang ngadto sa mga tawo, in-short, KAPLASTIKAN lang gyud.
VATSKI: Maayong adlaw, Gar, ug sa tanang mga loyalista sa Banatanay! Summer na gyud kay pwerte na’ng inita, sama kainit sa issue nila ni Willie Revillame ug Ethel Booba. Sakto ka, Gar, nga bati gyud ang gibuhat ni Willie nga nangasaba on air. Wala man ko kauyon ani’ng batasan ni Willie, but basin naa gyuy sayop tinuod si Ethel. Matud pa bitaw’ng Willie, wala siya ganahi nga giyawyawan siya ni Ethel right after atong napildi sila. Mao tong napungot ang TV host kay nganu kuno yawyawan lang siya og talent, nga unta tahuron siya kay siya man ang nag-hire niini. Ganahan man ko aning Ethel, Gar, kay kataw-anan gyud, apan mura’g naa pud ni siya’y attitude problem. Kay sa kadako na sa iyang career sa GMA7, nganung kalit ra man ni siya’ng nahanaw sa limelight? There must be something wrong with her. Ug matud pa, nag-inarte na kuno ni abi sikat naman. Ug kay dako man pud ni’g o si Willie, aw nagbangga gyud sila’ng duha.
GARRY: Unya Vatski, sa gibuhat ni Willie atubangan sa camera, unsa man? Nalipay ba ang mga tawo? Minindot ba ang iyang programa nga hapit nalang gani mag-hubo ug mura na’g dancer sa club ang iyang mga dancers aron dili langawon ang iyang programa. Angayan unta ni tan-awon sa MTRCB. Si Ethel ug Ate Gay maka-survive bisan wala nang hambugero nga Willie. They are professional in their own and they can still perform their stand-up shows if ever.
Si Willie, kung wala ang iyang TV5 asa kaha siya puniton, human giluwa sa ABS and for sure, dili sab sa GMA? Kung wala niya ang TV 5, aw obsessed man siya, magtukod nalang siya og iyang TV network or adto siya sa piryahan kay angayan siya didto. Ang yawe sa kalampusan mao ang teamwork ug harmonious relationship.
VATSKI: Mao sad. Dili pud maayo lagi nga in public buhaton. Kahibaw naman ta nga ganahan gyud ni’g publicity si Willie. Sa kadaghan na niya’g pangyawyaw in front sa national television, motan-aw ra man pud ang mga tawo niya, as if wala ray nahitabo. Gani mura’g ganahan man sila. Bati siya, pero pwede pud nimo nga maingun nga nagpakatotoo lang ang TV host. Basin ato nga time gisapot gyud siya, wala na kaagwanta. Kay matud pa, si Ethel dali-dali man kuno dayun nga nag-post sa iyang Twitter. Ako pa ni Ethel, magpaubos nalang siya para makabalik siya sa showbiz.
Anyway, maayong pagbasa sa atong mga loyalista diha sa Barangay Poblacion, Talisay City, labi na kang Bebet ug Amie Angcon. Kada adlaw gyud ni sila’ng mopalit og Banat News. Maayong adlaw ninyung tanan diha.
Pangutana: Unsay inyong reaksyon sa nahitabo sa Wowowillie adtong February 28? Angayan pa bang suportahan si Willie? Ngano man?
Ipabuhagay ang imong opinion, kauban ang imong ngalan ug address ngadto sa: 0917-904-7513. Kutob lamang karong udto, (12 noon, March 11), ang pagdawat nato sa inyong mga mensahe. Busa, go go go na!