“Health is the Wealth of Wealthâ€-Richard Baker. Mao kini ang angayan atong hunahunaon: Bisag unsa pa kita ka dato, bisag unsa pa kita ka gwapa ug ka gwapo peru ang atong lawas nagluya, dili gihapon kita magmalipayon ug malingaw sa kung unsa ang anaa kanato. Maong dapat ato kining ampingan ug tagaan ug importansya. Ania ko’y mga tips aron sa magpabilin kitang himsog ug kusgan. Kini nga mga tips gikan sa mga nagkadaiyang estudyante, trabahante, tambay ug uban pa nga akong nahinabi kabahin sa ilang mga malakang nga gihimo aron magpabiling himsog.
Dili magbisyo o, usba ang imung bisyo
Bisag unsa pa imung buhaton nga diet or exercise peru magsige gihapon ka sa imung bisyo pareha anang magsige og inum, sigarilyo ug uban pa, wala gihapoy nindot nga resulta imung diet or exercise. Maong dapat undangon ang ngil-ad nga bisyo ug mangita ug laing lingaw kun diin maka benefit imung lawas ug layu pasad ka sa sakit. Para himsog ug kusgan ka, live a healthy life.
Keith Andrew Caballero, 16
Student, BSHM
Walking
Ang paglakaw og 30 minutos kada-adlaw kay grabe maka-burn og calories as to mag-cge ka og diet. Sa ginaingun pa nila walking is the best exercise, pareha naku usa nako ka inahan, dali kaayo ko nidako pagmabdos naku sa akong first baby, and since wala man jud koy time para mag-exercise, every morning kanang mag-pabulad ko sa akong baby sa sun, ako na lang pud i grab ang opportunity nga maka lakaw-lakaw the same time. So walk lang ug walk.
Evher Solon, 25
Mother
Inom og daghan tubig before mukaon
Since obsess man jud kaayo ko mugamay kay dako jud kaayo ko sauna, nya dili pud ko ganahan mugasto og mahal para ma achieve nako ang lawas nga akong gusto, muinom ra jud ko og daghan tubig una ko mukaon. Ug samtang nagkaon pud ko mag inom gihapon ko og tubig, gamay ra akong makaon nga rice. After five months nga ingun ani akong ginabuhat dali kaayo go nigamay, dili man pud ko mu skip og kaon, that’s why wala ko nasakit, dili pareha sa uban. So just drink a lot of water, kay dli lang kay double, triple, daghan pa ang imung makuha nga benepisyo.
Kristine del Rosario, 22
Staff Agent
Pahuway ug sakto
Ang robot or ang cellphone malowbat kung mahurot na ang ilang battery, sama ra sad na sa lawas sa tawo. Unsaon nato paglihok o pagbuhat sa atong dapat buhaton kung wala tay saktong pahuway. Dapat tagaan nato og saktong oras sa pagkatulog atong lawas para dili ta dali maluya kay unsaon man ang vitamins kung wala tay pahuway, so dapat rest jud.
Monique Vargas, 21
Student, BSN
Pag-control sa imung kaugalingon
Dapat naa jud tay insakto nga disiplina sa atong kaugalingon ilabi na sa mga pagkaon nga atong kan-on. Dapat katong kinahanglan ra gyud sa atong lawas katong mga sustansyado nga pagkaon, pwedi man ta mukaon og mga junkfoods peru dili pasobraan.
Cammile Roxas, 19
Student, IT
Exercise
Unsay bili sa imung diet kon wala kay saktong exercise? Dapat mag exercise jud kada adlaw, or katong uban nga wala jud oras pwedi ra nga samtang padung sa trabahu or skwelahan maglakaw o gamiton ang hagdanan aron bisag sa mubo nga panahon naka-exercise gihapon ka.
Jerick Suson, 24
Athlete
Maintain sa imung mga priorities
Hunahunaa kung unsa ang mga prayoridad nimu, unsa ang mas importante. Para naku importante ang pagmaintain sa maayong panglawas, maong i-set aside usa naku ang akong mga luho.
Joy Agnes Lopez, 18
Student, IT
Kaon jud ug pamahaw
Ang pamahaw ang usa sa pinaka importante nga oras sa pagkaon, kay mao mana ang oras nga magsugod naka sa tanan nimung buhaton. Okay ra if dili ka mukaon og daghan sa paniudto ug sa panihapon. Peru dapat jud dili ta mu skip sa oras sa ting kaon, let’s just live healthy, para dili ta masakit, eat well, live well.
Janet Gocotano, 19
Student, BSA
Pag-stretching everyday
I-stretch imung body kada buntag aron maayo ang pagsud sa oxygen sa imung body at the same time, maayo pud ang circulation sa imung dugo.
Christian Canarias, 23
Student, BSN
Katawa ug hilak
Mao ni ang best way para makapawala sa imung kaguol ug kakapoy. Kung gusto ka muhilak, ihilak na, dili dapat iluom kay usa na sa hinungdan nga magka komplikasyon atong kasing-kasing. “Laughter is the best medicineâ€ingon si Dolphy, dapat dili ta makalimut sa pagkatawa aron tanan kagul-anan, kakapoy, ug tanan sakit sa atong lawas makuha-kuhaan.
Norman Bout, 20
Basketball player
Magsugod ang kahapsay ug kabaskug sa atong palibot kung unahon nato pag-atiman ang atong tagsa-tagsa ka kaugalingon. Hinaot aduna kamuy nakuha nga makatabang aron kitang tanan magpuyo nga malipayon ug baskog.