“Swimsuit Portion”

CEBU, Philippines - Ania na gyud ang summer! Ang atong paboritong panahon sa tuig. Dili tungod kay init kini, kun dili kay oras na usab sa pag-adto sa beach ug magtampisaw sa dagat. Usa sa mga gikagul-an nato kung summer mao ang pagpili sa swimsuit nga atong isul-ob.Sakto ba  sa atong lawas? Mobagay ba ang style niini? Aniay mga tips para sa pagpili og saktong swimsuit nga angayan sa inyong lawas.

1. Dako og dughan – Sa mga dako og dughan, likayi ang mga gagmay nga triangle shaped nga pangtaas. Dapat halter type nga makasuporta ug tarong sa imong dughan. Pwede sad ka mogamit og pangtaas nga naay underwire. Pili sad og mga printed.

2. Gamay og dughan – Kung ikaw flat-chested o gamay og dughan, pwede ka mosul-ob og bandeau o triangle nga pang taas nga naay pads. Pwede sad ang push-up bra style para makabuhat og cleavage. Pwede sad ang top nga naay ruffles para mohatag og ilusyon nga dako imong dughan.

3. Gamay og bat-ang – Likayi ang mga pahigda o horizontal nga stripes. Bagay ang mga bikinis nimo ilabi na kung naa kiniy mga embellishments sama sa  ruffles o ribbons sa kilid.

4. Dako og bat-ang – Para mohatag og ilusyon nga gamay imong lower body, pwede ka mogamit og solid color o plain colored nga panty, una printed nga pangtaas para didto ang atensyon sa imong upper body pirmi.

5. Plus-size–Pili og one –piece nga lawom og v-neckline. Paglikay sa puti og mga hayag kaayo nga colors sa swimsuit. Pwede kaayo ka mosul-ob og sarong nga mopares sa imong swimsuit.

6. Mugbo og legs ug lawas – Kun ganahan ka’g one-piece, pangita og kanang nay ubos o plunging nga neck line para motaas ka tan-awon. Kung two- piece imong gusto, pangita og plain colored nga panty dayon paresi og printed nga top. Likayi ang mga boy shorts nga style. Pwede sad ang stripes nga pabarog o vertical para mohatag og ilusyon nga taas imong lawas.

7. Tag-as og legs o lawas – Swerte ka kung ikaw taas kay mobagay ang bisan unsa nga style nimo. Kung ganahan ka’g one piece- pwede nimo ang mga cut-out o maillots. Likayi lang ang mga plunging necklines ug dark colored nga swimsuit.

Pangutana lamang kabahin sa FASHION ang ipadala karong buntaga. I-text kana, uban sa imong ngalan ug address ngadto sa:0943-431-4567, sa dili pa ang tingpaniudto, (12 noon, March 10, 2013). Ayaw pagpaabot og textback, dinhi lamang atangi ang tubag sa musunod nga mga Domingo.