Ihangad Na!

CEBU, Philippines - People will always talk, depende kun unsa ka nga matang sa pagkatawo. Kun salawayon ka negatibo ang mga istorya nga mukatap kabahin nimo. Ug kun dalaygon ka positibo nga mga paghisgot kabahin nimo ang mugawas gikan sa baba sa imong mga higala. That’s life! That’s a fact! That’s a reality! Pakkk!

Pero lain nga kamatuoran mao nga dili sa tanang panahon ingon niini ang sitwasyon. Buot pasabot mao nga bisan maayo ka nga tawo, duna gyuy ikasaway ug isulti nga dili maayo batok nimo ang mga tawo nga mga suyaon ug mga walay lingaw sa ilang  kinabuhi, mga tawo nga mga misirable ang kinabuhi mao nga mangangin sa uban. Usahay pud bisan og dautan ka nga pagkatawo, salawayon ka og kadungganan, pala-palahan pud ka sa mga tawo nga nagpalibot nimo, sanglit duna silay personal nga interes diha nimo. In other words, palamian ka og istorya sanglit anaa silay pabor nga gitinguha nga masuyop gikan nimo. Pakkk!

Nan, kinsa may imong tuhuan? Kinsa may imong paminawon? Kinsa man nga komentaryo ang imong hatagan og igong gibug-aton? Labaw sa tanan unsa may imong buhaton kun ingon niini ang sitwasyon ug ikaw maoy sentro sa istorya nga dili maayo ug dili mao? Dili pwede nga deadma lang hangtud mulabay ang tanan. Dili pud maayong muresbak ka or mubawos ka. Ang imong buhaton mao nga wala kay lain tuohan kundili ang imong kaugalingon lamang. Pangutan-on nimo imong kaugalingon kun duna bay gibug-aton ug basehan ang mga dili maayong istorya nga nanggawas batok nimo. Kunsultahon nimo imong kaugalingon kun angayan ba ka nga mutuo pud sa mga maayong istorya nga imong nadungog gikan sa ubang tawo. Mubalik ta ana sa basic rule sa pagka reporter: Ask, ask, ask. Pero imong kaugalingon lamang maoy imong pangutan-on. Pakpak!

Ang negatibo nga mga istorya kabahin nimo dili makaayo of course. Pero dili kinahanglan nga imong sakyan ang negatibo, kinahanglan nga mangutana ka sa imong kaugalingon, angayan ba ka nga mutuo niining maong istorya kabahin nimo. Dili ka angay magpa-stress kay kun ma stress ka, malipay ang mga tawo nga walay lingaw. Dili pud maayo nga  maminaw ra pud ka dayon sa mga positibong istorya gikan sa ubang tawo kay basin og ulog-ulog ra nang tanan, gipaburot ra imong atay aron makuha nila ang pabor nga ilang gitinguha gikan nimo.

I know daghan ninyo dinha ang maka relate. Daghan kaayong tabi-tabi, tsismis batok nimo. Daghan ang mga magpa apekto ug naapektuhan. Sure na na kay dili tanang tawo makauyon nimo. In English “you cannot please everybody baya.”  Pero dili ka kumbinsido sa akong giyawyaw, nay labing epektibo nga sulbad, as in walay makalupig ug makatupong: prayer. Tuhui lang ko kay humana ko anang magpa apekto og mga intriga, kanang mga sitwasyon nga ikaw maoy dautan. Ihangad na sa langit dear okRYanians.  After, when you have strong faith you can afford to smile even if you know that the person next to you will betray you the moment you step away.

* * *

No matter how hard you try to be an effective evangelizer if you don’t know how or what to do then you won’t have it. Fight right way and right time not just using any electronic gadgets… SG Dacles, CPA-CIP…0928751***

Sakto jud na ryan, ipadaun na imo mga post2 og ibanghilyu sure q daghan nakauyon ana, ug sure ko daghan musunod ana. Lahi ra gyud  mka dungog ta og ibanghilyo kun naa tay problema makagaan sa a2 nfel..jeneline piedra, mabini babag dos cbu city…0943321***

I agree with you okryan, mas nindot man jud nga mu focus ka sa usa ka butang for you to realize it was worth it..chickseydes, v rama..0912948***

Reaksyon?  I-text kana uban sa imong ngalan ug address ngadto sa: 0943-431-4567. Kutob lamang karong 12 noon, March 7, ang pagdawat nato sa inyong mga mensahe. Go go go na!

Magdungog gihapon kita pinaagi sa okRYAN sa dyRC –Radyo Calungsod 648khz., matag 10:30am to 12 noon, Lunes-Sabado. Pangitaa ko sa Facebook: [email protected].