Mutigi ka?

CEBU, Philippines - Mi-ani og nagkadaiyang reaksyon kining maong hulagway nila ni Bubbles Paraiso ug Atticus King nga gimantala sa www.fashionpulis.com kagahapon.

May mga miingon nga KSP (kulang sa pansin) ang duruha hinungdan nga nagpakuha gyud og ingon niini nga hulagway aron matagad, samtang duna puy miingon nga hugyaw kaayo ang duruha, kay dili matud pa basta-basta nga balance ang gikihanglan aron lang gyud mamugna kining maong porma ug makuha ang hulagway.

Si Atticus kanhi uyab ni Iza Calzado. Bag-ohay lamang gipadayag ngadto sa publiko nila ni Atticus ug Bubbles ang ilang relasyon.

 

Grasya ni Ser Chief

Hulagway ni Richard Yap sa iyang estado karon sa showbiz: “Of course it’s a blessing, kasi alam mo, marami kasing tao ang gustong maging andito sa posisyon ko.”

 

Pagtulun-an ni Anne

Pamalandong ni Anne Curtis sa iyang malampuson nga reinvention sa iyang showbiz career: “Something will happen to you that may not be as pleasant... but I think the key to it is not hiding it. Own up to it and people will accept you more.”

 

Gibati si Aljur...

Daw gibayaw sa langit ang pamati karon ni Aljur Abrenica human miangkon si Kylie Padilla sa ilang relasyon. “Kapag yung babae na ang umamin, kumbaga, maituturing ko ang sarili ko na ako na ang pinakamasayang lalaki.”

 

Pila man gyuy TF?

Giklaro ni Eula Valdez nga wala gyud matud pa siya mangutana pilay talent fee sa iya nang pagtrabaho karon sa TV5 pinaagi sa teleserye nga Cassandra. “’Eto ha, sa totoo lang, hindi ko inalam kung magkano. Mamatay man ako.”

 

Kontrobersyal ang lenggua

Undanon ang pamahayag ni Alessandra de Rossi kabahin sa pagdaog og acting award. “Meron din naman diyang may mga award pero wala namang naniniwala na nanalo sila, di ba?”

 

Go lang ng go

Dili isyu alang kang Saab Magalona nga kanunay na lang kontrabida ang iyang role sa iyang mga proyekto sa GMA-7. “Hindi ko naman hiningi na huwag maging kontrabida.”  

 

Naduslak ang dughan

Mas gipamub-an pa ni BB Gandanghari ang iyang buhok. Ug niya pa, ““Well, alam n’yo naman na pag nagpaputol ka ng buhok, meron kang gustong kalimutan.”

 

Eww si TV host…

Sa usa ka beauty pageant sa usa sa mga isla sa Visayas, usa sa mga emcee si local TV host.

Usa mga kandidata sa maong pageant nga puros lamang lumolupyo o kaliwat sa maong lungsod ang nakauyon kang local TV host ug nagpa-cute. Backstage ang maong kandidata, apan human sa maong indigay sa kaanyag, nagkasinabot ang duruha busa gidala ni TV host ang babaye sa iyang gi-istaran nga lawak. Nagkadiha gyud matud pa ang duruha.

Apan ang mga balhibuon og baba nga nahibaw sa nahitabo, giluod kang TV host. Kay ngano man? Ang-ang, nga ang babaye niadtong tungora matud pa, giduaw man diay sa iyang “binuwang bisita.” 

Pero ang nakaila kang TV host mipahiyom lamang sa iyang nadungog nga istorya. Unsaon, nga si TV host matud pa, may gidala man pud diay nga babaye sa usa sa mga lodge nga baratuhon, (below P100 ang shortime), mga tuig na ang milabay. Ang maong higala wala makaminos sa mga mu-check in sa maong lodge, pero mikatawa siya sanglit sa estado sa iyang higala nga TV host na niadtong tungora, sa maong dapit pa gyud kini misulod nga siguradong makit-an man gyud siya sa mga musulod-gawas sa maong lugar.

Dili na matud pa bag-o ang maong abilidad ni TV host nga mu-take home og kandidata sa mga pageant diin siya maoy emcee, basta magkasinabot lang. Sa milabay nga tuig matud pa, sa usa pud ka pageant may susama pud nga nahitabo. Gani, wala man kini midungan sa kadaghanan sa pagbalik na sa grupo sa dakbayan, gumikan kay nagpa-extend pa kini hangtud nianang pagka udto kauban ang kandidata.

Kinsa si TV host? Lalaking-lalaki! Dili kada adlaw makit-an sa telebisyon. Tuara!

 

Kinagwapahan ang Kakay!

 

Daghan ang naukay karon mga mikatap nga hulagway sa komedyana nga si Kakay Bautista ug sa Thailand heartthrob nga si Mario Maurer nga sweet kaayo sa usa’g-usa ug nagpasabot nga labaw pa sa panaghigalaay ang nagbugkos karon kanilang duruha.

Apan nagpakahilom si Kakay kabahin niining maong mga hulagway, gumikan kay sumala pa ni Boy Abunda sa The Buzz kagahapon sa ABS-CBN, baruganan matud pa sa komedyana nga kun aduna man gani binuhat nga angayang mamahayag o mutin-aw niining tanan, kana walay lain kun dili si Mario.

Dugang niini, gipaambitan ni Abunda nga ang iyang mga tinubdan namahayag nga ganahan gyud matud pa si Mario sa karakter ni Kakay, busa dili imposibli nga duna gyud silay espesyal nga relasyon karon.

Ang mga hulagway nila ni Kakay ug Mario kuha atol sa pagbakasyon sa komedyana didto sa Thailand niining bag-o lamang. May taho pa nga dismayado si Mario sanglit nagtuo kini nga sila lamang duha ni Kakay ang mag-dinner date, apan diha matud pa iyang manager ug mga higala

 sa komedyana.

 

Jaime: Nothing shines better than happiness

 

Human sa iyang kalampusan sa pagdughit sa iyang labing unang korona, ang Sinulog Festival Queen 2013 nga si Jamie Herrell, malipayong mipaambit sa mga angayang masayran kabahin sa iyang kaugalingon ug sa iyang kinabuhi dinhi lamang sa Banat Hugyaw.

Kahinumduman nga si Herrell maoy lead dancer sa Tribu Himag-Ulaw sa Placer, Masbate ug nakuha pod niya ang pagdayeg sa tanang mga tawo atol sa maong indigay sa kaanyag didto sa Cebu City Sports Center.

“When life gives you lemons, make lemonade,” mao kini ang motto sa 18-anyos nga Filipino-American nga dalagita  nga mao pod ang nanghakot sa mga minor ug special awards lakip na ang Best in Runway, Miss Smart, Miss Mcdonalds, SM Festival Queen, Ms Lecit-E, Ms Uratex, Ms PLDT, Best in Group Performance, ug  Best Solo Performer.

Matud ni Jamie ang nakapa-sugot niya nga mosayaw isip festival queen sa Placer contingent, mao ang napanlantawan niya nga mabulukong kasinatian kauban ang mga taga Masbate.

Saysay ni Jamie nga sa unang adlaw pa lamang sa iyang pag-practice, gihangop  dayon siya sa iyang mga kauban ug nalingaw kaayo siya pag-ayo nga kauban sila.

“I enjoy being with people that bring out the best in me and people that would always have a positive attitude. Another reason is because I wanted to dance for Sto. Niño. It’s a way for me to show my appreciation and love for him,” matud ni Jamie.

Matud ni Jamie kung iyang ihulagway ang Sinulog in one word, para niya usa kini ka “Offering”, kay mao kini ang tuig diin mosaulog ug mosakripisyo ang katawhan og usa ka adlaw para magpasalamat sa tanang grasyang nadawat ngadto kang Senyor Santo Niño.

Samtang kining sophomore Mass Communication student sa University of San Jose Recoletos mipasabot nganong mao kini ang iyang gipili nga kurso: “I picked Mass Communication because I think the course is fun and challenging. I like to find things that will make me busy because it keeps me energetic and entertained. Plus, I always wanted to work in an advertising company.”

Sa iyang pagkamaanyag, wala siyay gisunod nga beauty regimen kay matud niya, “Honestly, I don’t follow a diet and I believe a person should just live life to the fullest to keep themselves beautiful. Nothing shines better than happiness.”

Daghan ang mga qualities nga gipangita ni Jamie sa iyang mamahimong future husband, lakip na niini ang madawat siya sa iyang pagka-siya.

“I want someone confident, strong, hardworking, positive, funny, charming, smart and someone who understands me and will accept me for who I am,” niya pa.

Kung mahatagan og higayon nga muduma og ang iyang pillion mao ang may kalambigitan sa edukasyon kay matuohon siya nga ang matag bata kinahanglan makahibalo ug tagaan og higayon nga makakat-on og nagkadaiyang butang.

Kung ihulagway ang pulong kalampusan, mao kini ang lenggua ni Jamie: “Success is not just about the money or tangible things but to reach your goal in life. When you have a big smile on your face and you can say ‘I am proud with what I am doing and I am happy.’ Then to me you are successful.”

Mipasabot si Jamie nga bisan sa iyang kabatan-on, iyang buhaton ang tanan para mamahimong maayong ihemplo ug modelo sa mga kabataan ug ilabi na sa mga kababayen-an.

Ang iyang mensahe sa mga kababayen-an nga ganahang maparehas niya mao kini:

“Just be happy and be yourself. It’s more natural and more effective in reaching your goals if you just show people your true colors. Also to always be positive. Life can be hard but, that’s what makes us stronger. So girls always be proud for being yourself.”

Lakip sa court ni Herrell mao sila Mary Joy Delmo sa Sinanduloy Cultural Troupe, Tangub City (1st runner up), Caryl Soledad sa Land of Beauty and Bounty sa Lanao del Norte (2nd runner up), Maria Cassandra Yu sa Talisay City (3rd runner-up) ug si Cherry Lyn Enad sa Carcar City (4th runner-up).