CEBU, Philippines - Wala motambong sa premiere night sa Alfredo S. Lim, The Untold Story ang starlet nga si Krista Miller. Giingong naglikay lang si Krista sa mga interview. Nasayran nga na-link ang starlet ngadto sa bida ug direktor sa maong pelikula nga si Cesar Montano.
Bubble Gang target ni Enzo
Ni-audition si Enzo Pineda sa gag show nga Bubble Gang ug matud pa sa aktor nga taud-taud na gyud niya nga pangandoy nga mahimong kabahin sa maong show. Nagkanayon si Enzo nga gawas sa drama, gusto usab niya mahimong komedyante.
Ryan nahugyaw ni Yeng ug AJ
Nahimong viral video ang pag-duet ni Yeng Constantino ug Fil-Am YouTube singer nga si AJ Rafael kung diin giawit nila ang acoustic mash-up sa mga awit ni Jimmy Bondoc nga “Let Me Be The Oneâ€, Exposé’s ug “I’ll Never Get Over You Getting Over Meâ€. Nakaangkon na kini og 870,143 hits sa YouTube. Nataypan sa sikat nga TV host nga si Ryan Seacrest ang maong video busa dali niya kini nga gi-post sa iyang website.
Eddie isip pari
Naghinam-hinam na si Eddie Garcia sa pagsulod niya sa pantaserye nga Juan dela Cruz kung diin modala siya sa karakter nga pari. “I’m really looking forward to work with Coco Martin because his talent as an actor is really remarkable,†suma pa ni Eddie.
Marian ug Piolo mag-uban
Special guests sila si Marian Rivera ug Piolo Pascual sa indie film ni Gov. Vilma Santos nga Ekstra. Suma pa ni Marian nga hagbay ra niya nga pangandoy nga makauban si Ate V sa usa ka proyekto busa mapasalamaton siya nga gihimo siya nga special guest sa maong indie film.
Niño ug Zaijan sa Wansapanataym
Sa labing una nga higayon, mag-uban sa usa ka TV project ang Kapamilya child wonder nga si Zaijian Jaranilla ug ang kanhi wonder boy nga si Niño Muhlach sa special episode sa fantasy-drama anthology sa ABS-CBN nga Wansapanataym ugma sa gabii.
Polo miatras sa politika
Miatras si Polo Ravales sa iyang kandidatura pagka- board member sa usa ka distrito sa Bataan. Karon pa lang nakahuna-huna si Polo nga dili pa diay siya andam mosulod og politika. Gipaneguro sa aktor nga mosulod ra siya sa maong butang sa saktong panahon.
Agent ni Richard gikasohan
Gipasakaan karon sa Bureau of Internal Revenue (BIR) og kasong tax evasion ang Model Shop Casting Studio nga maoy agent sa aktor nga si Richard Yap. Nasayran nga pakyas ang maong casting agency sa pagbayad og buhis sa nahisgutang ahensya sa gobyerno. Tak-om usab ang baba ni Richard kalabot sa maong kaso.
Hatagan og igong oras
Mihangyo si Xian Lim sa publiko nga hatagan og igong panahon ang co-stars niya sa "Ina Kapatid Anak" nga sila si Kim Chiu ug Maja Salvador sa pagsulbad sa ilang problema."I guess we should just give them time, 'yun lang ang masasabi ko. Let's give them time para maisip nila kung ano ang pinagdadaanan nila ," suma pa ni Xian ngadto sa ABS-CBN News.
Albie mibalhin sa TV5
Sila si Albie Casiño ug JC de Vera maoy mga bag-ong leading men ni Eula Caballero sa second season sa Third Eye sa TV5. Himoon na kini og daily fantaserye nga nag-ulohan og Cassandra: Warrior Angel. Gikan sa ABS-CBN si Albie ug tak-om pa kini sa rason sa iyang pagbalhin sa TV 5.
Pinay pakyas sa pagsulod sa Top 20
Wala makasulod sa Top 20 sa bag-ong season sa American Idol (AI) ang Pinay nga Bridget “Jett†Hermano.
Bisan niini nakadawat gihapon og mga positibong feedback ang pagkanta ni Bridget og “Only Girl (In The World)†nga orihinal nga giawit sa RnB singer nga si Rihanna.
Ang mga hurado nga sila si Keith Urban, Randy Jackson, Nicki Minaj ug Mariah Carey mihulagway nga unique ang song arrangement sa half Pinay finalist nga si Bridget. Apan duna lang sila’y gi-expect nga butang ang wala mabuhat ni Bridget butang nga nakapatagak niini.
Usa sa ganahan sa pipila ka mga hurado, mao ang falsetto voice ni Bridget.