CEBU, Philippines - GARRY: Naka-ouch gyud ko Vatski human sa atong annual medical check-up sa milabay'ng semana. Bisag unsa-on, mahadlok man gyud ko og dagom. Need to conquer the fear. Anyway, ang statement ni Anne Curtis nga ang cast ug crew sa ABS-CBN variety show nga “Showtime†na nga-“rattle†tungod sa entry of TV5’s “Wowowillie†dili angayan sabton nga literal. Rattled in the sense nga kinahanglan pa gyud nilang lig-onon ug i-maintain ang ilang programa. The more shows, the merrier, di ba?
Para kanako, ang title sa Wowowillie mura'g sounds like Wowowee, di ba? Wala'y angayan kahadlokan ang It's Showtime sa Wowowillie. Usa ra man ang ilang direction, mao ang paglingaw sa mga tawo.
VATSKI: Maayong adlaw, Gar, ug sa tanang mga loyalist sa Banatanay! Na-rattle gyud tang duha sa annual medical exam last week no? Gani wala nalang ko nagpakuha og dugo kay basin magdugo pud ang ilong sa medical technologist nga moturok sa dagum sa akong bukton. Ingun-ana ko katalawan. Nyahahaha! Speaking of talaw, wala man kuno naigking ang Showtime hosts sa pagbag-o sa ngalan sa Will Time into Wowowillie. Ang mura’g nahadlok kuno mao si Anne Curtis kay ang iyang igsuon nga si Jasmin misalmot na sa maong salida. Kulbaan gyud ang Showtime ani, Gar, kay og hosting ability lang, layo ra si Anne kang Jasmine, kay ang maong TV5 talent, nahanas naman sa nagkalain-laing talk show sa maong estasyon. And besides, daghan napud ni siya og mga supporters. So dapat lang gyud nga ma-rattle ang Showtime kay gawas sa karaan na ni siya, nga tan-aw nako padung napud hagsa, ang Wowowillie padayun na nangita og bag-ong recipe para molami ang ilang programa.
GARRY: But compared sa It's Showtime ug Wowowillie, dili sab ko maka-uyon aning mga babaye intawon nila nga hapit naman lang maghubo. Ingon ani diay pag-capture sa atong audience? Ato nalang gyud i-accept nga di na mabalik ang kasikatan ni Willie sa kapanahonan sa iyang Wowowee kaniadto.
Since its January 26 debut, “Wowowillie†has been running neck and neck with “It’s Showtime†for second place in the ratings game. Mao nga kinahanglan seryoso ug sinsero gyud ang gikinahanglan. Lain-laing shows, kanyang-kanya taste sa viewers. Apan para kanako, wala'y angayang kahadlokan ang It's Showtime sa Wowowillie.
VATKSI: Bitaw, neck-to-neck gyud ang laban labi na nga ang noontime slot, giilugan gyud na kay diha ang usa sa pinakamahal nga advertisement placement, nga kung nag-una ka, maglumba og gukod nimo ang mga advertisers. Sa pagkakaron, si Vice Ganda ra gyud ang jewel sa Showtime, samtang ang mga kaatbang niini sa laing mga channel sama sa Wowowillie ug Eat Bulaga! sa GMA7 kanunay nga nagpaila og mga bag-ong nawong ug entertainer, para dili sum-olan ang mga tawo. Makita man pud nimo nga gisunod gyud ning duha ka programa sa mga tawo, mao ning nakuyawan gyud ang Showtime nga possible ning mawala sa ere. Ana raba na mga noontime show sa ABS-CBN, dili molungtad. And as to when ni ma-pull out, let’s wait and see nalang, Gar.
Anyway, maayong adlaw sa avid readers gyud sa Banatanay, mga loyalist gyud ni sila ni Ryan Mark, (Really? Wow! Thank you and God bless—Ryan Mark), ang magtiayon nga si Arlene ug Bebot Angcon sa Poblacion, Talisay City. Basta Talisay City, solid Banat News ug The Freeman readers gyud ni sila. Daghang salamat, mga Talisaynon!
Pangutana: Hain niining duha ka noontime shows ang inyong mas ganahan ug ngano man?
Ipadayag ang imong hunahuna dear hugyawnatic, pinaagi sa pag-text niini dungan sa imong ngalan ug address ngadto sa: 09179047513. Kutob lamang karong tingpaniudto (12 noon, February 25) karong adlawa ang pagdawat nato sa inyong mga reaksyon. So text text text na!