Panginahanglan sa imong kutis

Kumusta mga suki? Busy kaayo akong beauty karon sa screening sa Bb. Pilipinas 2013 ug sa pag-train sa official candidates diri sa Manila. Pero bisan sa kadaghang gimbuhaton, go lang gihapon kita dinhi sa atong Anah Lang, para sa mga hisgutanan sa kaanyag, pamatasan ug fashion. Karon, aniay upat ka mga gikinahanglan gyud para sa imong kutis:

1. Limpyo – Ang paglimpyo o paghilam-os mao ang pinaka importante sa skin routine. Dapat mogamit ka’g facial cleanser o saktong sabon para sa imong panit. Dili sabon sa lawas ang gamiton kay mao kini maka uga sa inyong kutis sa nawong. Dapat imo sad masabtan imong skin type – dry ba kini, very dry, sensitive o oily. Kailangan mobagay sa inyong skin type ang cleanser nga inyong gamiton.

2. Tubig – Ang tubig maka banlas sa mga toxins sa atong lawas. Ug tungod kay ang atong lawas kusog mopasingot, kelangan pulihan og tubig ang atong lawas. Ang atong panit kelangan gyud og tubig ug bawal kini ma-dehydrate. Kay kung ma dehydrate, mao kini’y maka cause sa pag-uga ug paggawas sa mga bugas.

3. Proteksyon sa init – Kung mogamit ka’g sunscreen o sunblock, wala lang nimo gitagaan og proteksyon imong panit sa skin cancer, imo sad kining giproteksyonan sa skin aging. Dapat mogamit gyud ka og sunblock kada adlaw, bisan og dili ka mogawas sa balay.

4. Antioxidants – Ang antioxidants makita sa mga pagkaon like fruits and vegetables. Mao kini ang makatabang nga dili maguba ang inyong skin cells. Ang Vitamin C makatabang sa pagpahugot sa panit.  Makuha kini nimo diha sa prutas pareha sa apple ug orange. Ang Vitamin E importante sab para sa proteksyon sa panit. Makuha kini nimo diha sa peanuts.

Pangutana para ni Anna kabahin sa beauty, fashion and personality development? I-text kana, uban sa imong ngalan ug address ngadto sa: 0943-431-4567, sa dili pa ang 12 noon karong adlawa, February 24. Text text na.