CEBU, Philippines - Aminado si Anne Curtis nga dili siya role model, gumikan kay dili man sab gyud siya limpyo og imahi nga pagkatawo, apan mamahimo matud pa siyang tawgon nga sumbanan sa pagkamatuod nga tawo.
“’Cause I’ve never been this squeaky-clean image kind of girl. “But I can be a role model, in a sense, on being true to yourself, and not having any skeletons in your closet, you know…
“Good and bad. Lessons learned. You’re a human being. So, I don’t like the tag as a ‘role model,’ ‘cause I know, I’ve never been this squeaky-clean image, so, I’d rather be known as the ‘Totoong-tao pala siya… nagkakamali din!’†nagkatawang pasabot ni Anne ngadto sa mga sakop sa entertainment press nga mitambong sa presscon alang sa iyang Century Tuna endorsement niining bag-o lamang.
“I’ve made mistakes, people know that. But it’s all about dealing with that after. If you learn from that mistake.
“I’d rather be that kind of girl. ‘Cause people might say, ‘Huuu, role model, hindi naman, e, dati…'
“So, I’d rather not na lang.â€
Hugyaw ka Jane!
Nominado ang Kapamilya teen actress nga si Jane Oineza sa prestihiyosong New York Festivals (NYF) World’s Best Television and Film para sa Best Performance By An Actress category.
Pinaagi kini sa iyang performance sa Maalaala Mo Kaya episode diin ang iyang character nga ginganlan og Nene, gilugos sa iyang ama-ama, atubangan mismo sa iyang inahan.
Hagit ni Richard
Kever si Annabelle Rama sa mga pagsaway kabahin sa acting abilidad sa iyang anak nga si Richard Gutierrez. Niya pa, makaayo ang mga pagsaway sanglit mahagit ang nahisgutan nga maningkamot pa og maayo sa musunod niining mga projects.
Kapamilya fan
Milayat na sa ABS-CBN gikan sa GMA-7 ang kanhi produkto sa Starstruck nga si Ian Batherson. Apan niya pa, kaniadto pa, ganahan na gyud siya sa ABS-CBN. Walo na siya ka buwan nga walay trabaho sa GMA-7 busa mihangyo siya nga magpa-release.
May gihimo siya karong teleserye sa Dos, ang Little Champs.
Naninuod na
Kaniadto, wala gyud matud pa mangulitawo si Carl Guevarra kang Kris Bernal, niining bag-o na lamang siya mipadayag sa iyang pagbati gyud ngadto sa dalaga gumikan kay nahagit siya.
Panahon na
Nabatyagan na matud pa nila ni Kylie Padilla ug Aljur Abrenica nga karon na ang tukmang panahon nga muangkon sila sa ilang tinuod nga relasyon, hinungdan nga bukas na sila sa mga pangutana kabahin niini sa higayon nga sukit-sukiton sila.
Magpakulata ni Derek
Andam na matud pa si Paolo Ballesteros nga kulatahon ug bun-ugon ni Derek Ramsay basta dili lamang mahigugma niya ang actor sanglit trabaho lamang matud pa ang tanan. Pasok si Paolo isip Warla, ang labing bag-ong kontrabida sa character ni Derek isip Kidlat sa TV5.
Nanalaw si KC
Nanalaw si KC Concepcion, hinungdan nga midistansya kini sa iyang suitor nga French filmmaker nga si Pierre Emmanuel Plassart. “Husband-material†matud pa ang nahisgutan ug dili pa siya andam sa usa ka seryoso nga relasyon o ba kaha kaminyuon busa nangayo una siya og “space†sa lalaki.
Ayaw nala’g saba
Tak-om na ang baba ni Bb. Gandanghari kabahin sa plano niyang magpa sex change kay nalubog ug nasamok na matud pa ang istorya. Mao pud matud pa ni ang tambag sa iyang psychologist sa Amerika, sanglit iyaha man kining kaugalingon panaw.
Malaumon si Hero
Balik showbiz na ang kanhi Star Circle Quest grand winner nga si Hero Angeles. Apil siya sa umaabot nga pelikula The Fighting Chefs. Asoy pa niya nga niadtong mga panahon nga nawagtang siya sa sirkulasyon, nagtudlo siya. Panghinaot niya nga positibo ang iyang pagbalik karon sa industriya.
‘Age doesn’t matterâ€
Dili matud pa magpili si Pokwang og edad sa iyang mamahimong hinigugma basta magkasinabot lamang ug magkahigugmaay silang duruha. Gipangutana si Pokwang kun mahimo ba nga isyu ang edad, sanglit mu-guest man ang ambongan nga si Jon Avila sa sitcom nga To Da Max karong gabii.
‘It’s Never Too Lateâ€
Karong gabii na mahitabo diha sa Pacific Grand Ballroom sa Waterfront Hotel Lahug ang ‘It’s Never Too Late†concert sa nailang “King of Hearts†David Pomeranz. Makauban niya isip guests sila si Sitti, Gerald Santos ug Chadleen. Ang ticket mapalit sa Waterfront mismo o mahimong mu-text sa 0999-464-2748/09255457725/09322692784.
Videoke Idol sa Barangay
Mahitabo na ugma, February 24 ang gipaabot nga grandfinals sa Videoke Idol sa Barangay, diin 10 ka finalist ang magtigi.
Gidumala kini sa dySS Super Radyo nga nagsaulog sa ilang ika-16 ka tuig nga anibersaryo.
Ang host sa maong kompetisyon nga si Aljin Abaquita mipadayag nga naumol ang Videoke Idol Sa Barangay aron sa paghatag og agianan sa mga Sugbuanon nga mapalanog ang ilang nga talento sa pagkanta.
Aminado si Aljin nga nagbaha gyud ang mga Sugbuanon nga kaantigo nga mokanta, gani ang uban niini inila na kaayo dili lang sa atong nasud, lakip na sa nagkadaiyang dapit sa kalibutan.
Ang grandfinals sa Videoke Idol sa Barangay madungog kini ugma sa alas dos sa hapon sa dySS.
Mga higala namo sa FM ug AM radio stations sa Sugbo, aduna ba kamoy mga kalihukan nga buot ninyong mamantala. Mao kini ang inyong luna, ipadala kana ngadto sa banatentertainment@hotmail.com. Palihug pag-BISAYA lang niini daan.