Kung kelan ready na namang balikan ni Roxanne Ginoo ang kanyang pag-aartista at saka naman siya walang offer. Paano kasi sa bilis ng kanyang pagkawala dahil sa pagbubuntis at sa rami ng mga artistang naglipana na marami rin ang may talento, nagkakaubusan talaga ng role.
Kaya kung ako siya, talagang tututukan ko na ’yung trabaho ko. Hindi maaari kasi ’yung kung kelan lang niya gusto.
Panganay nina Ronnie at Mariz pumasok na rin sa pag-aartista
Artista na rin pala ang panganay nina Ronnie at Mariz Ricketts na si Marella Ricketts. Nakita ko ang pangalan nito sa poster ng isang pelikula na mapapanood na soon starring her father together with some comedians, kasama na sina Chef Boy Logro at Yoyong Martirez, ang Fighting Chefs.
Janno wala nang balak maging in demand?
Ano ba itong si Janno Gibbs at talaga yatang pinababayaan na ang katawan? Hindi bale sana kung komedyante siya pero singer siya na dapat ay fit para kalugdan siya ng mga nanonood sa kanya. Sa rami ba naman ng kumakanta ngayon na mas marami ang guwapo sa hindi aba eh mahihirapan siyang makipagkumpitensiya.
O baka naman wala na siyang balak na maging in demand muli? Dapat tularan niya si Ogie (Alcasid) na habang nagkakaedad ay lalong nagugustuhan ng kanyang mga tagahanga.
Isko nadidiin
Kung hindi si Mayor Alfredo Lim ang nag-utos sa pagpapahuli kina Vice Mayor Isko Moreno at mga kasama dahil sa pagpapa-bingo nila, eh sino? Obvious naman dahil magkaiba sila ng partido at magkalaban sa pulitika kung kaya nangyari ang hulihan na naglagay sa kanyang bise sa kulungan. Lalo na kung iisipin na matagal na itong nagaganap pero bakit ngayon lamang nadeklarang iligal?