CEBU, Philippines - Mga hulagway kuha sa Olive-C fanpage ug events2images.wordpress.com
Ang 2013 tuig na usab sa mga Sugbuanon! Niadtong Pebrero 2, 2013, tulo ka mga batan-ong Sugbuanon ang misidlak ug nakasakmit og pwesto sa gipahigayon nga national finals sa Mr. and Ms. Olive-C Campus Model Philippines didto sa AFP Theater, Pasay City.
Si Nathaniel Tiu, gikan sa Cebu Institute of Technology-University nakadaug nga first runner-up sa male category, samtang sila si Maria Cassandra Yu sa University of San Carlos-Talamban Campus ug Lyre Yves Campos sa Cebu Velez College maoy nahimutang sa second runner-up nga pwesto.
Sila si Joefel Alas sa Holy Cross College of Davao City ug si Chelsea Samantha Starling, usa ka third year high school sa Child Jesus of Prague School sa Rizal, maoy nakoronahan isip mga bag-ong Mr. and Ms. Olive-C Campus Model Philippines. Lakip usab sa midaug mao ang media production student nga si Christia Gail Ocampo, gikan sa Assumption College of Manila, as first runner-up sa female category.
Gawas sa first runner-up placement, nasakmit usab ni Nathaniel ang musunod nga mga special ug minor awards: Mr. Showbiz Sosyal, Best in Resort Wear, Mr. Psalmstre, ug Mr. New Placenta. Napili usab si Cassandra sa Best in Festival Costume award, samtang mao kini ang mga nahakot ni Yves: Mr. Sundance, Mr. Philippine Airlines, Mr. 2Go Travel, Best in National Costume, Best in Festival Costume, ug Mr. Fashion Exchange.
Ang Mr. and Ms. Olive-C Campus Model usa ka school-based search alang sa mga estudyante nga 14-21 years old. Gi-produce kini sa Psalmstre Enterprises Inc., tiggama sa Olive-C soap for teens, inabagan sa Creworks Asia. Tulo na kini ka tuig nga nahimong most-sought after beauty-and-brain student-exclusive pageant kinsa nakadiskubre sa mga talento ug potential sa mga batan-on. Kining tinuig nga indigay gipanguluhan sa presidente ug CEO sa Psalmstre nga si Jim Acosta.
Ang Cebuanang si Murielle Adrienne Orais maoy labing unang nakoronahan isip Ms. Olive-C Campus Model Philippines niadtong 2011 sa dihang nagtungha pa kini sa Velez College. Sa samang tuig niapil siya sa Ms. Philippines-Earth diin naangkon niya ang titulo nga Ms. Philippines-Water kon Second Runner-up.
Si Cebuano designer/stage director Lemuel Rosos mao ang pageant director, inabagan sa event stylist nga si Rodel Silva. Lakip sa board of judges silang Mr. Manhunt International 2012 June Macasaet, Ms. Earth-Air 2012 ug newest Face of New Placenta Stephany Stefanowitz, GMA-7 star Teejay Marquez, ug uban pa.