CEBU, Philippines - Yes, mga yadzz! Mosugot sad mo’g sa dili. Labi na kamong mga lunod-patay nga mga Kapamilya! Na-hostage pod ko atong teleserye sa GMA nga nag-ulohan og Magdalena, starring Dion Ignacio, Bela Padilla, Pauleen Luna, Jon Hall, Allan Paule and Irma Adlawan. Busa, wa ko matagbaw sa dihang gitapos ni. Kay wa pahibaw-a ang mga televiewers nga mahuman na diay. Ambot nganong kalit kining gitapos. Ambot kinsa sa mga artista sa maong teleserye ang midako ang ulo mao nga, gitapos na lang. Hinungdan nga, gimingaw na pod ko ron ni Dion Ignacio, ug ni Irma Adlawan. Definitely man god, mahugyaw man gyod ko sa acting aning Irma Adlawan, dili tungod kay taga Minglanilla siya dinhi sa lalawigan sa Sugbo, but because, maayo gyod siya bisa’g kontrabida siya, ug maglagot ka gyod sa iyang character sa Magdalena. Si Dion Ignacio, maayo na sad. Leadingon pod gyod ang iyang kagwapo, ug siempre ang iyang gitas-on. Ka batch siya nilang Jennylyn Mercado, Mark Heras ug Rainer Castillo, pero si Mark Herras ang ultimate survivor busa unang gihatagan og dakong break sa GMA. Pero kun ako’y pangutan-on, pasayloa sa mga fans ni Mark Herras, si Dion gyod maoy leadingon. Hinoon, nasayod na pod ta’g hain na’s Jennylyn Mercado nga maoy leading lady ni Bong Revilla sa Indio. Yuna… dili pa diay kandidato si Bong ron? So, dili angayang kwestyonon ang pag-apil sa usa ka TV series. Sa laing bahin, wa pay gihimong TV series sila’s direk Pepe Tariman ug Edmund Lagahid. Ang gihimo nila karon usa ka Lenten Offering starring Christian Tariman, Ehpoy Caballero, Novic Econovic ug balikbayan, Wanda Rabaya Wiseley.