Para sa “Proudly Single!”
Hello! Love is in the air ug pila ka adlaw na lang ug Valentine’s Day na! Mao kini ang adlaw sa paghinigugmaay. Pero dili tanan malipayon niini nga adlawa. Sa katong mga single o loveless, maka depress lamang kini. Pero ang pagka single dili angay rason para maguol ka karong Valentine’s Day. Mao na kining tips nako ihatag karong Domingoha, para ni sa mga proudly single dira.
• Hinumdomi nga kung ikaw kay walay uyab, dili kini mahimong sukdanan sa imong pagkatawo. Dili tungod kay single ka, imo na kining ikauwaw. Imong relationship status dili maoy muhulagway sa imong batasan o kung kinsa ka. Hinumdomi, daghan sad naay uyab dira nga naglaom mahimong single.
• Siguroa nga dili lamang ka magmukmok anang adlawa. Ang Valentine’s Day dili lamang sa mga manag-uyab, para kini sa tanan. Pwede kang makig-date kauban imong pamilya ug mga amiga ug amigo nga mga single usab. Pwede mong motan-aw og sine, mag-picnic o ba kaha mangaligo og dagat.
• Kay tungod adlaw man kini sa paghinigugmaay, adlaw sad kini sa pag-share niini. Pwede nimo kining saulogon sa pagbisita sa mga orphanage, home for the aged or elderly o ba kaha hospital. Ang pag-spend og oras sa mga tawo nga dili makasaulog sa Valentines Day, lupig pa sa pakig-date sa usa ka uyab.
• Kung gusto sad kamo palayo sa imong lugar, pwede kang mo-book og ticket o magplano og pagbyahe sa lain nga lugar. Be adventurous!
• Kung di ka ganahan makig-uban ug laing tawo, pwede kini nimong gamiton para sa imong kaugalingon. Asikasuha ug e- pamper imong kaugalingon by going to the spa, o parlor. Magpamasahe ka, magpa facial, manicure o magpa hair treatment. Angay pod nga imong higugmaon imong kaugalingon ug sakto kaayo ni nga adlaw para imo kining buhaton
• Kung dili ka hilig magpa spa o magpa parlor, pwede nimong palitan imong kaugalingon og regalo. Pwedeng bag-o nga cellphone, laptop, buwak, or bag-o nga sanina. Monindot gyud imong pamati sa imong kaugalingon niana nga adlawa.
Mao na sa katong mga nagpabilin nga single karong Feb. 14, ayaw kaguol. Daghan kaayong pamaagi nga isaulog kini.Pero hinumdomi, usa lamang kini ka adlaw ug dili gyud angay seryosohon. Usa lamang kini ka tradisyon nga nagpabilin hangtod karon. May plano o wala, himoang Valentine’s Day ang matag adlaw sa imong kinabuhi ug share the love?
- Latest
