Adlaw sa gugma

CEBU, Philippines - Kumusta mga suki sa Banat News ug sa akong mga ka-bonding?. Hinaut nga magpabilin ang inyong pagka-mapahiyomon. Hapit naman diay ang Valentine’s Day. So kadtong dunay mga partner, klaro kaayo nga excited kaayo, hehe.

Apan wala nagpasabot nga mogasto mo og maayo sa pagsaulog sa Valentine’s Day. Puwede raman nga saulogon kini sa simple nga pamaagi nga wala kinahanglana nga mobakasyon pa  og lagyo nga mga lugar.

Puwes mga ka-bonding mao kini ang tips alang sa minos nga pagasto atol sa Valentine’s Day:

• Puwede ra  mo mag-food trip, o ba kaha kamo’y moluto sa paborito ninyong mga pagkaon.  Kung magkuyog mo kinahanglan nga dili magsige og atubang sa cellphone aron dili madisturbo ang inyong date.

• Paghimo og homemade special card para sa imong partner. Mo-appreciate pag-ayo ang imong partner kung ikaw mismo ang naghimo sa card, kaysa mopalit ka og human daan nga card sa mga tindahan nga tataw kaayo nga wala’y effort. Gamita ang imong kaugalingon nga mga words sa pag-describe sa tawo nga imong hatagan sa card.

• Hatagi siya og something sweet, like candy o chocolates. Dili na kinahanglan nga mopalit og mahalon nga chocolates. Aduna na’y mga personalize chocolates nga gipangbaligya unya barato pa gyud.

• Paghatag og buwak kaniya partikular na ang rose. Base sa akong pag-research, ang rose maoy simbolo sa pagyagyag sa  feelings ngadto sa usa ka tawo nga iyang gihatagan niini.

• Kung wala ka’y partner? Angayan nimo nga huna-hunaon, nga dili lang kay ang mag-uyab lang ang mag-selebrar og Valentine’s Day. Lakip ang mga single ang puwedeng magselebrar niini pinaagi sa pagpanuroy uban sa ilang mga higala.. Mahimo mo mag-movie marathon, o ba kaha mag-group date sa mga restaurant.

(Madungog si Don Romantiko sa 95.5 Star FM, gikan sa Lunes hangtud sa Biyernes pinaagi sa programang Evening Starsweep 6pm-9pm)

Pa-relax

Ni Anden Miles

Kasagaran sa mga tawo maminaw og music gumikan sa nagkalain-lain nga tumong. Ang uban ganahan magpa-relax , samtang ang uban pawala sa kamingaw.  Base sa www.sequoiarecords.com  ,  adunay mahatag nga kaayohan  ngadto sa mga tawo ang pagpaminaw og  smooth songs . Mao bitaw usahay nga maminaw gyud ko og mga kanta sa The Jazzmasters,  Gin Blossoms, Skylark, Stylistics, Carpenters ug uban pa aron lang gyud ko ma-relax.

       Mao kini ang mga kaayohan nga makuha sa pagpaminaw  og smooth songs:

*  Pawala sa stress.

* Makahuna-huna ka og tarong sa imong plano.

*  Kung ikaw gisapot, makapakalma kanimo ang smooth songs.

*  Alang sa mga ginikanan, mahimo mopatukar og smooth songs aron makatulog ang ilang mga gagmay nga bata.

*  Mitumaw sa mga pagtuon nga kasagaran sa mga tawo nga bag-o gioperahan ang ganahan nga maminaw og smooth songs, gumikan kay makapawala kini sa nag-ngulngol  nga parte sa ilang lawas.

* Makatabang sa tawo nga gusto mo-focus sa iyang gibuhat.

*  Kung maminaw ka og relaxing music inigka buntag, ganado ka nga mobuhat sa imong gimbuhaton tibuok adlaw.